“Sindroma e pemës së Krishtlindjes”, e njohur si alergjia e pemës së Krishtlindjes, shfaq simptoma të tilla si teshtitja, sekrecione të hundës dhe lotim të syve. Si pemët e vërteta ashtu edhe artificiale e shkaktojnë këtë sindromë, por nuk përjashtohen as dekorimet që përdorim për zbukurime.
Pemët e Krishtlindjeve, të veshura me drita vezulluese dhe dekorime shumëngjyrëshe, sjellin një magji të veçantë gjatë festës së Krishtlindjes. Megjithatë, tek disa njerëz, pemët e Krishtlindjes mund të prodhojnë ndjesi dukshëm më pak të këndshme, të tilla si teshtitja, rrjedhja e hundës dhe sytë e përlotur. Këto reagime mund t’i atribuohen një gjendjeje që specialistët e quajnë “Sindroma e Pemës së Krishtlindjes”, një formë alergjie që shkaktohet nga alergjenë të vegjël, kryesisht të padukshëm, të cilët zakonisht gjenden në pemë, por që mund të jenë të pranishëm edhe në dekorimet që përdorim për zbukurim.
Sindroma e pemës së Krishtlindjes, e njohur edhe si alergjia e pemës së Krishtlindjes, është një gjendje që mund të shkaktohet nga ekspozimi ndaj alergeneve, si pluhuri dhe myku, i cili, në varësi të rastit, mund të gjendet ose në vetë pemën, por edhe ne dekorimet që përdorim për ta zbukuruar. Sipas Shoqatës Amerikane të Pemës së Krishtlindjes, një studim i botuar në “Annals of Allergy, Asthma and Immunology” tregon se pemët e vërteta të Krishtlindjeve mund të mbajnë rreth 50 lloje të ndryshme myku, dy të tretat e të cilave janë në gjendje të shkaktojnë reaksione të ngjashme me alergjitë e pemëve.
I njëjti artikull i referohet edhe një studimi të mëparshëm, i cili zbuloi se një pemë e Krishtlindjes në shtëpi mund të rrisë numrin e sporeve të mykut me rreth 6 herë e gjysmë. Siç u tregua, problemi nuk ka të bëjë vetëm me pemët e vërteta, por edhe ato artificiale dhe dekorime të ndryshme, si topa, kurora dhe drita, të cilat nëse ruhen në mënyrë jo të duhur mund të grumbullojnë sasi të konsiderueshme pluhuri, myku dhe irritues të tjerë të vegjël. Për më tepër, disa nga materialet e përdorura në prodhimin e pemëve artificiale të Krishtlindjeve dhe dekorimet e tyre mund të shkaktojnë acarim të frymëmarrjes tek njerëzit veçanërisht të ndjeshëm. Simptomat kryesore të “sindromës së pemës së Krishtlindjes” janë:
-tështitje
-rrjedhje hundësh
-kollë
-irritim, lotim dhe kruarje e syve
-vështirësi në frymëmarrje
-astmë
Çfarë duhet të bëni për të shmangur “sindromën e pemës së Krishtlindjes”? Përpara se të vendosni pemën e Krishtlindjes në shtëpinë tuaj, kujdes i veçantë duhet t’i kushtohet pastrimit të saj: nëse është një pemë artificiale (e vjetër apo e re), prandaj është e rëndësishme të siguroheni që të hiqni sa më shumë alergjenë. E njëjta gjë vlen edhe për dekorimet të cilat, nëse nuk mbahen të pastra dhe nuk ruhen siç duhet, mund të grumbullojnë pluhur dhe të bëhen një terren potencialisht pjellor për rritjen e mykut.
Megjithatë, për sa i përket pemëve të vërteta të Krishtlindjeve, përveç terpeneve, ato mund të përmbajnë edhe pluhur, myk, insekte dhe jashtëqitje insektesh, të cilat në përgjithësi nuk paraqesin rrezik për shëndetin e dikujt apo të anëtarëve të familjes, por në disa raste ato mund të shkaktojnë reaksione alergjike të lehta deri te serioze. Në të gjitha rastet, këshilla është të pastroni pemën dhe dekorimet, ta shkundni pemën jashtë, ta lani me ujë dhe sapun dhe në rastin e një peme të vërtetë, të përdorni një pastrues perimesh, gjithashtu të bëni kujdes që të thahet përpara se ta vendosni në shtëpi. Është e qartë, nëse vazhdimisht vuani nga reaksione alergjike ndaj pemëve të Krishtlindjes të vërtetë dhe artificiale, një zgjidhje mund të jetë vendosja e pemës jashtë, ndoshta në ballkon ose përpara një dritareje, në mënyrë që ta shihni atë nga jashtë.
