Së fundmi një komisioner i punës në Kaliforni vendosi që ish-bashkëshorti i Kelly Clarkson, Brandon Blackstock, i detyrohej asaj 2.6 milionë dollarë në tarifat e kaluara për tejkalimin e kufijve të tij ligjorë si menaxher i saj. Ndërkaq, këngëtarja ka paraqitur dokumente të reja që pretendojnë se mund t’i detyrohet shumë më tepër. 41-vjeçarja paraqiti dokumente duke thënë se Blakostock kishte shkelur rregullat shtetërore të punës që nga viti 2007, kur ai hyri në një marrëveshje të pashkruar me “Starstruck Management”, kompania që babai i tij themeloi në 1988.
Për shkak se vendimi i mëparshëm i lëshuar në nëntor u kthye vetëm në vitin 2017, dokumentet e reja të Clarkson kërkojnë një llogari të plotë nga Starstruck të të gjitha parave të marra nga Starstruck, drejtpërdrejt ose tërthorazi, në lidhje me të gjitha kontratat, punësimin ose angazhimet, në çfarëdo mënyre që lidhet me shërbimet personale të Clarkson, duke përfshirë komisionet, tarifat, fitimet, paradhëniet dhe tarifat e prodhimit.
47 vjeçari ishte menaxheri i Clarkson nga 2017 deri në 2020, në të njëjtin vit që ajo paraqiti kërkesën për divorc pas 7 vitesh martesë. Në nëntor, komisionerja e punës tha se ai kishte promovuar në mënyrë të paligjshme punën e saj, duke shkelur Aktin e Agjencisë së Talenteve të Kalifornisë.
Sipas ligjit, menaxherët nuk mund të sigurojnë ose të përpiqen të sigurojnë punë për artistët nëse nuk veprojnë së bashku me një agjent të licencuar dhe vendimi tha se Blackstock dhe Starstruck Management Group thyen ligjin për katër akuza të ndryshme, duke përfshirë mandatin e Clarkson si anëtare e jurisë në “The Voice” që nga viti 2018. Blackstock apeloi vendimin në dhjetor dhe seanca është caktuar për në gusht. Rikujtojmë, se divorci i Clarkson nga Blackstock u zgjidh në vitin 2022 dhe këngëtarja u urdhërua t’i paguante atij një shumë të madhe prej pak më shumë se 1.3 milion dollarë, si dhe 45,601 dollarë pagesa ushqimore mujore.
