Këngëtari i njohur spanjoll, Ricky Martin ka shprehur dëshirën për të pasur një tjetër fëmijë. Ricky së bashku me bashkëshortin e tij, Jwan Yosef ka 4 fëmijë, binjakët Matteo dhe Valentino, vajzën Lucia dhe djalin Renn. Mirëpo duket se ai nuk është i kënaqur me kaq dhe dëshiron të ketë fëmijë të tjerë.
“Disa njerëz mendojnë se unë jam i çmendur, por kam dëshirë të kem një familje të madhe dhe ka disa embrione që po presin. Nuk e di. Kjo është e gjitha çfarë duhet të them. Jwan po çmendet në këto momente, por është në rregull, mos i thoni gjë atij!”,-ka thënë Ricky.
Ai ka treguar se gjërat në familjen e tij po ndryshojnë, duke qenë se dy djemtë po hyjnë në fazën e adoleshencës. “Ata janë në fazat e para të adoleshencës dhe është shumë zhurmë. Dhe për më tepër jemi në izolim dhe në shtëpi dëgjohet gjithë kohës ‘Largohu nga rruga ime! Kjo është dhoma ime, nuk është e jotja, blah blah!”,-ka thënë Martin.
Këngëtari 48-vjeçar është shprehur se është shumë krenarë për familjen e tij dhe se vajza është mbretëresha e shtëpisë e se ajo do të jetë trashëgimtarja e pronës. Ai është shprehur më herët se dëshiron që në të ardhmen të adoptojë ndonjë fëmijë me bashkëshortin. Rikujtojmë, se Martin dhe partneri i tij 33-vjeçar filluan të dilnin bashkë në vitin 2016. Këngëtari i “Nobody Wants to Be Lonely” e shpalli fejesën nëntorin e atij viti në “The Ellen DeGeneres Show”.
