Gjigandi i transmetimit Netflix ka sfiduar pritshmëritë e Wall Street në muajt e fundit të 2023 duke fituar 13.1 milionë abonime në tremujorin e fundit të tyre. Kjo ishte shifra më e mirë tre mujore e regjistruar që nga viti pandemik i 2020-ës dhe i çon abonentët total të Netflix në 260.3 milionë globalisht. Platforma e transmetimit raportoi gjithashtu një të ardhur operative prej 1.5 miliardë dollarë në tremujorin e fundit të tyre, nga 550 milionë dollarë një vit më parë.
Në përgjigje të humbjeve të abonentëve në vitin 2022, gjigandi i transmetimit filloi të kufizojë ndarjen e llogarive në mesin e vitit 2023, një strategji që fillimisht provokoi zemërim. Shumë nga klientët e rinj të Netflix po zgjedhin planet më të lira që përfshijnë reklama. Transmetuesi tha se plani i tyre i reklamave përbën 40% të të gjitha regjistrimeve të reja në vendet me këtë lloj abonimi, që do të thotë se po mendon të heqë abonimin e tij bazë pa reklama.
Planet bazë pa reklama, të cilat kushtojnë 13,49 euro në muaj, mund të anulohen në Kanada dhe Mbretërinë e Bashkuar në tremujorin e dytë të këtij viti. Ky lloj abonimi është më i shtrenjtë se plani i mbështetur nga reklamat prej 5,99 € dhe më pak se plani premium prej 19,99€. Së fundmi Netflix njoftoi gjithashtu një marrëveshje 10-vjeçare, 5 miliardë dollarë e nënshkruar me World Wrestling Entertainment, e cila do të sjellë shfaqjen javore WWE Raw në platformë. Lëvizja e sjell Netflix më tej në tregun sportiv të transmetimit të drejtpërdrejtë, një drejtim i miratuar edhe nga platformat konkurrente si Amazon dhe Apple. Netflix debutoi gjithashtu ngjarjen e tij të parë sportive live, “The Netflix Cup”, pasi shfaqi programet drejtpërdrejt “Love is Blind: Brazil” dhe “Chris Rock: Selective Outrage” në fillim të vitit.
