Ky edicion i “BBV2” do të mbahet mend nga të gjithë shqiptarët. Me të vërtetë ishte edicioni i dytë por protagonistët e këtij viti i kanë mbajtur të gozhuar para ekranit çdo të martë dhe të premte të gjithë shqiptarët. Banorët e këtij viti do të mbeten gjatë në memorien e kujtdo me debatet, konfliktet, lojërat dhe momentet e lumtura të tyre.
I ftuar në “E diell” në rubrikën “Hëna apo Dielli”, këngëtari Sabiani është vënë në një sfidë loje, ku duhet të telefononte të bijën Keisin. Sfida ishte se duhet t’i shprehte të bijës një thashethem që kishte dëgjuar për të, se ndërsa kishte qenë më xhirime për “Kepin e VIP-ave”, kjo e fundit kishte puthur dikë. Por ky thashethem duket se qenka i vërtetë dhe Sabiani e mëson live në emision.
Sabiani: Ça po bëni?
Keisi: Tani po regjistrojmë
Sabiani: E di ça mora vesh? Me kë ishe puthur atje?
Keisi: Aaa është ajo, xhirimi i parë që kemi bërë, me Ronaldon
Sabiani: Me kë ishe puthur, qenke puthur tamam ti?
Keisi: Jo mo babi, ka qenë gallatë, më kapi kështu te loja
Sabiani: Aaa me Ronaldon? S’ka gjë…Me Ronin puthuni prapë
Olsa Muhameti ka qenë e ftuar në rubrikën “Mos i bjer me top” tek “E Diell”, ku intervista është bërë në Bodrum të Turqisë atje ku po xhirohej edhe “Kepi i VIP-ave”. Olsa ka treguar shumë detaje rreth këtij programi dhe jo vetëm. E pyetur nëse mund të kenë ndodhur marrëdhënie intime mes VIP-ave, gjatë periudhës së xhirimeve në Turqi në një resort luksoz, autorja e formatit shprehet se është e bindur që kanë ndodhur, por nuk i kanë xhiruar.
