Aktori 57-vjeçar Keanu Reeves, ka qenë subjekt i një meme virale që nga viti 2010, kur një foto e aktorit të “Matrix” që dukej veçanërisht i trishtuar filloi të qarkullonte në rrjet. Në foto, e quajtur “Keanu i trishtuar”, aktori shfaqet me flokë të shkurtër, ulur në një stol ndërsa përtyp pak ushqim. Ai duket i zymtë dhe shikon poshtë ndërsa ai mbështet krahët tek këmbët e tij.
Gjatë një paraqitje në “The Late Show me Stephen Colbert” në fillim të kësaj jave, aktori zbuloi historinë e vërtetë pas fotografisë virale. Ai u shpreh se:
Unë thjesht po haja një sanduiç, plako! Po mendoja. Kisha disa gjëra që po ndodhnin. Isha i uritur.
Pamja me sa duket u referua në një kornizë të librit komik që Reeves krijoi kohët e fundit të quajtur “Brzrkr”. Korniza paraqiste një burrë me flokë të errët të ulur në një stol në shi, duke bërë një pozë të ngjashme. Keanu duke iu referuar panelit komik që i bën jehonë fotos virale, tha se:
Kjo ngjashmëri – Ron Garney është artisti i mrekullueshëm që po ilustron dhe dizajnon “Brzrkr” – nuk e dija se do ta bënte këtë, por kjo është ajo që ai bëri. Kështu që unë mendoj se është një lloj ‘meta’.
Ylli tha se “mund të mos jetë as e vërtetë” që Garney, i cili gjithashtu ka punuar në libra me ilustrime të ndryshme të Marvel, ka nxjerrë nga meme-ja e vërtetë.
Artisti, mendoj, e ka marrë atë meme dhe çfarëdo që është, atë foto dhe më pas e ka futur në librin komik. Por kjo është jeta dhe arti.
Reeves është shfaqur në një sërë memesh të tjera gjatë viteve, të cilat ai i ka trajtuar edhe gjatë paraqitjes së tij. I pyetur se pse bëhet kaq shpesh subjekt i meme-ve, aktori tha se nuk ka asnjë ide.
Rikujtojmë se, një nga arsyet e shumta pse vazhdimi i filmit “Speed” konsiderohet shumë inferior është sepse Keanu Reeves, i cili luajti në filmin e parë me Sandra Bullock, nuk u kthye për ta xhiruar. Dhe tani Keanu ka zbuluar se pse u largua. Ai pranoi se edhe pse donte të punonte sërish me Sandra-n, kishte disa probleme me konceptin që e mbajtën larg.
