Këngëtarja Katy Perry ka thënë se ylli i muzikës pop, Madonna, ka hapur rrugën për një gjeneratë të tërë artistesh. Ajo ka thënë se çdo artiste grua duhet të jetë mirënjohëse ndaj saj. “Ajo e ka hapur rrugën. Kur artistet e reja flasin për arritjet e tyre duhen ta falënderojnë Madonnan sepse ajo ka thyer barriera. Ajo është më e madhja”-ka thënë Katy në emisionin “The Project”.
Ndërkaq, albumi i shtatë i shumëpritur i Katy Perry “143” nuk pati një fillim të mirë me kritikët muzikorë, pasi u publikua në platformat e transmetimit. “143”, që i referohet shprehjes ‘Të dua’, por është gjithashtu ajo që Perry e konsideron si ‘numrin e saj fatsjellës’ simbolik, është albumi i saj i parë në katër vjet, pas “Smile” në 2020. Pjesa më e madhe e kritikave edhe para publikimit të albumit ishin për shkak të vendimit të Perry-t për të punuar me producentin e saj të vjetër të muzikës Dr. Luke, i cili zgjidhi padinë e tij të gjatë për ngacmim seksual me Kesha-n vitin e kaluar, të cilin ai e mohoi me forcë.
Albumi i rikthimit “143” i Katy Perry-t komentohet nga kritikët duke e quajtur atë ‘të mbushur me klishe, sikur të ishte krijuar përmes AI’. Kritiku Steven J. Horowitz shkruan:
Albumi është i mërzitshëm, i mbuluar me kaskada klishesh lirike dhe idesh muzikore që rrallëherë ngrihen. Pak nga zgjuarsia që mbizotëron në disa nga hitet e saj më të mëdha shfaqet në album, një rrëshqitje zhgënjyese larg trurit që ajo dikur nxirrte duke mos u munduar fare.
Sjellim në vëmendje një detaj personal nga jeta e yllit të muzikës pop. Katy Perry dhe Orlando Bloom u ndanë për pak kohë në vitin 2017, pasi çifti pati disa probleme. Bloom ndjeu nevojën të tërhiqej, ndërsa Perry e kuptoi se duhej të fokusohej tek vetja e saj.
Pas takimit të parë të tyre në vitin 2016 marrëdhënia e dyshes arriti një pikë kthese kur aktori mori pjesë në një takim njëjavor të quajtur ‘Procesi Hoffman’, i cili bëri që çifti të kuptonte se ata donin gjëra të ndryshme në atë kohë. Gjatë kohës së tyre larg, Perry dhe Bloom u përballën me sfida. Viti ishte veçanërisht i vështirë për Perry-n, por ishte gjithashtu një periudhë vetë-reflektimi dhe ndryshimi.
