Së fundmi, aktori i njohur Jim Carrey ka deklaruar se është gati të tërhiqet nga karriera e tij legjendare e aktrimit, pas 40 vitesh. Në një intervistë të fundit me intervistuesen Kit Hoover teksa po promovonte filmin e tij të ri dhe ndoshta të fundit “Sonic the Hedgehog 2”, 60-vjeçari rastësisht përmendi se po tërhiqej nga aktrimi.
Hoover nuk e dinte nëse po bënte shaka apo jo, ai tha:
Po, ndoshta dhe po.
Megjithatë, ai nuk dukej plotësisht i sigurt, duke shtuar:
Varet, nëse engjëjt sjellin një lloj skenari që është shkruar me bojë ari që më thotë se do të jetë vërtet e rëndësishme që njerëzit ta shohin, unë mund të vazhdoj rrugën, por do të bëj një pushim.
Ndërkaq, sjellim në vëmendje se Carrey së fundmi ka reaguar në lidhje me incidentin e pazakontë që ndodhi mes aktorit Will Smith dhe komedianit Chris Rock në ceremoninë e “Oscars”. Jim deklaroi se do të kishte pasur një reagim shumë më ndryshe se Chris Rock, nëse do të ishte ai që u godit nga Will Smith. Duke folur për CBS News, aktori tha se do të kishte ngritur menjëherë një padi kundër Will.
Unë do ta kisha paditur Will-in për 200 milionë dollarë sepse ajo video do të jetë atje përgjithmonë. Do të jetë kudo. Kjo fyerje do të zgjasë shumë.
Aktori i njohur i “Dumb & Dumber” vazhdoi duke thënë se ishte i tmerruar nga reagimi në dukje pozitiv i audiencës ndaj shuplakës.
Më erdhi për të vjellë nga reagimet e audiencës. Ndihesha sikur Hollywood-i në masë është thjesht pa kurriz. Me të vërtetë ndiehej sikur ky është një tregues vërtet i qartë se asgjë nuk po shkon siç duhet.
Jim argumentoi se incidenti i zbehu momentet e shkëlqyera të të gjithëve, veçanërisht atyre që punuan shumë për të arritur më në fund me një fitore në shtëpi.
