Kyle Walker është detyruar të largohet nga shtëpitë e tij dhe tashmë jeton në një apartament që ia ka gjetur klubi ku luan, Manchester City. Arsyeja është se gruaja e tij, Annie Kilner, e ka përzënë nga vila ku jetonin, pasi mori vesh se e kishte tradhtuar me Lauryn Goodman, e cila jeton në shtëpinë tjetër të mbrojtësit anglez.
Për këtë arsye, Walker vendosi që t’i kërkonte vendbanim klubit pasi nuk kishte ku të qëndronte.
![](https://www.topalbaniaradio.com/v7/wp-content/uploads/2024/08/kyle-walker-with-wife-and-children.jpg)
Walker akuzohet se prej vitesh ka bërë një jetë të dyfishtë mes bashkëshortes së tij Annie Kilner, nënë e katër fëmijëve nga e cila u nda së fundmi dhe një Goodman, me të cilën ka ndërtuar dhe mbajtur për një kohë të gjatë atë që është një familje e dytë e vërtetë.
Ajo që zbuloi gjithçka ishte vetë Goodman: “I thashë Kyle se duhej t’i tregonte gjithçka Annie. Se ai është babai i vajzës sonë, sepse ne duhet ta fillonim të lirë vitin 2024. Nëse të gjithë e dinë se si është situata, atëherë do të munden të marrin vendime si të rritur”.
![](https://www.topalbaniaradio.com/v7/wp-content/uploads/2024/08/Split_hd.jpg)
E kështu, pas 12 vitesh së bashku, Annie Kilner kërkoi menjëherë divorcin.
Mbrojtësi i Manchester City madje edhe në Euro 2024 ishte i shqetësuar sepse në tribuna ishin si gruaja e tij e ligjshme, ashtu dhe e dashura. Një situatë që impenjoi gjithë stafin e kombëtares së Tre Luanëve.