Zëvendëspresidentja Kamala Harris ka një avantazh prej dy përqind më shumë se republikani Donald Trump, pasi Presidenti Joe Biden hoqi dorë nga gara, sipas një sondazhi nga Reuters/Ipsos.
Sondazhi i ri, u realizua të hënën dhe të martën, pas Konventës Kombëtare Republikane të enjten, ku Trump pranoi zyrtarisht se do të garonte për zgjedhjet dhe pas njoftimit të Biden të dielën se ai po largohej nga gara dhe se do të mbështeste Harris.
Harris, e cila ka mbështetje të madhe nga Demokratët, kryesoi Trump me 44% në 42% në sondazhin kombëtar, me një diferencë tre përqind më e lartë ose tre përqind më e ulët.
Kandidatja demokrate dhe Trump ishin të barabartë me 44% në një sondazh të realizuar me 15-16 korrik dhe Trump kryesoi me një pikë përqindje në një sondazh të datës 1-2 korrik.
Nga ana tjetër një sondazh i fushatës së Trump hedh poshtë çdo sondazh tjetër që tregon rritje të të mbështetjes për Harris, pasi sipas tyre popullariteti i saj është i përkohshëm, për shkak të mbulimit të gjerë mediatik.
Rreth 56% e votuesve të regjistruar pranuan se Harris ishte “mendërisht e aftë për t’u përballur me sfidat”, krahasuar me 49% që thanë të njëjtën gjë për Trump. Vetëm 22% e votuesve e vlerësuan Bidenin për këtë fakt.
Rreth 80% e votuesve demokratë thanë se e shihnin Biden favorit, krahasuar me 91% që thanë të njëjtën gjë për Harris. Tre të katërtat e votuesve demokratë votuan se ishin dakord me një deklaratë që partia dhe votuesit duhet të qëndrojnë me Harris, me vetëm një e katërta që thonë se kandidatë të shumtë duhet të konkurrojnë për të qenë në krye të partisë.
Harris bëri fushatë në Wisconsin të martën, aty ku ajo fitoi mbështetjen nga figurat kryesore të partisë, ndërsa votuesit në sondazh thanë se kishin dëgjuar shumë pak ose kurrë për emrat e tjerë nga ana e demokratëve, të cilët duan të jenë kandidat për zgjedhjet presidenciale.
Sondazhi, i realizuar në internet, anketoi 1,241 të rritur amerikanë në mbarë vendin, duke përfshirë 1,018 votues të regjistruar.