Aktorja e njohur Eva Longoria gjithmonë ka pëlqyer të bëjë blerja të lira për paraqitjet e saj në tapetin e kuq. Eva, e cila po merr pjesë në Festivalin e Filmit në Kanë për herë të 17-të këtë vit, dëshmoi se nuk duhet të shpenzoni shumë për t’u dukur përrallore. Ajo në paraqitjen e saj të parë në tapetin e kuq të Festivalit të Filmit në Kanë veshi një fustan me vlerë 37 euro.
Longoria e cila sërish doli në tapetin e kuq të Kanës 2022 këtë javë zbuloi momentin e saj të veshjes për ‘People’, duke shtuar se ajo nuk e kishte idenë se çfarë ishte Festivali i Kanës në atë kohë.
Askush nuk do ta dinte se ishte një fustan 37 eurosh. Nuk ka të bëjë me fustanin, ka të bëjë me gruan që vesh fustanin.
Ndërkaq, Festivali i Filmit në Kanë nisi mbrëmjen e 18 majit dhe do të vijojë deri të shtunën, më 28 maj 2022. Yjet vërshuan sërish në Francë dhe do të shohim shumë prej tyre të kalojnë në tapetin e kuq. Mbrëmjen e parë u shfaqën personazhe të famshëm si Eva Longoria dhe Lori Harvey, të veshura elegante e me bizhuteritë verbuese.
Festivali u anullua në 2020-tën për shkak të masave të rrepta kundër pandemisë së COVID-19, por tapeti i kuq shkëlqeu sërish këtë vit. Eva, Lashana dhe Julianne u shfaqën plot finesë në edicionin e 75-të të këtij viti. E veçanta është se kësaj radhe aty janë paraqitur edhe disa yje të TikTok. Ndërkaq, njihuni me disa nga veshjet më të bukura të tapetit të kuq.
Eva Longoria e cila u bë e famshme për rolin e saj si Gabrielle Solis në dramën komike “Shtëpiake të dëshpëruara” së fundmi ka zbuluar për “Stellar Magazine” se do të ishte e para që do të ishte e gatshme nëse një rikthim i serialit do të ishte në punë e sipër.
Po mbaroj që të rikthehem në lëkurën e Gabby-t. Ishte periudha më e mirë e jetës sime. Çfarë dhuratë ishte për mua ai serial.
