Një burrë që la pas familjen e tij në pushimet evropiane, për shkak se vjehrra i përdorte pastën e dhëmbëve, po përballet me reagime të shumta në internet. Në një postim në Reddit, burri, 38 vjeç, shkroi se ai dhe gruaja e tij, 35 vjeçe, kishin planifikuar të bënin një pushim në Venecia, Itali, me vajzën e tyre 5-vjeçare. Ai shprehet:
Venecia ka qenë gjithmonë ideja e gruas sime për një qytet romantik, kështu që ka qenë ëndrra e saj për të shkuar atje.
Megjithatë, burri tha se nëna e gruas së tij e mori vesh për udhëtimin dhe iu bashkua atyre.
Gruaja ime e mbështeti shumë këtë ide, por unë isha më ngurrues. Gruaja ime planifikoi gjithçka, duke rezervuar hotelet dhe restorantet.
Megjithatë, për fatin e tij të keq, gruaja e tij rezervoi vetëm një dhomë për katër persona me dy krevate, duke shkaktuar një sërë konfliktesh. Burri argumentoi se për shkak të përcaktimit të dhomës, vjehrra e tij ishte “vazhdimisht aty”, madje edhe konsumonte produktet e shtrenjta të gruas së tij, të tilla si ato për larjen e fytyrës.
Për mua është shumë johigjienike dhe nuk më pëlqen që ajo ulej në krevatin që ndajmë unë dhe gruaja ime, pasi unë jam një person shumë privat. Ajo gjithashtu kërkoi nëpër valixhen tonë dhe më shqetësoi shumë që e bëri këtë pa më pyetur.
Momenti kur burri e quajti “shkelja e fundit” ishte kur kuptoi se vjehrra e tij kishte përdorur pastën e dhëmbëve të tij dhe të gruas së tij, për të cilën ai pretendonte se e bënte t’i “përzihej”.
Nuk më pëlqen mendimi që ajo të vendosë furçën e saj të dhëmbëve afër grykës së pastës së dhëmbëve dhe më përzihej sa më shumë që mendoja për këtë. Unë i kam kërkuar me mirësjellje disa herë që të ndalojë përdorimin e gjërave të gruas sime, veçanërisht sepse unë i ndaj me të dhe është shumë e papërshtatshme.
Në atë kohë, ai u ndje shumë i zemëruar sepse e pagoi udhëtimin me paratë e tij dhe tani çdo gjë ishte shkatërruar.
Ndryshova datën e biletës së avionit dhe shkova direkt në shtëpi. Gruaja më ka telefonuar disa herë më pas, duke më bërtitur dhe duke më thënë se vajza jonë është e mërzitur.
Ai vuri në dukje se gruaja e tij kishte kartën e saj bankare dhe mund të paguante vetë për të shkuar në shtëpi ose për të qëndruar në Itali. Ai gjithashtu shtoi se ai kishte injoruar thirrjet e gruas së tij “për të marrë pak kohë për shëndetin mendor”.
