Doja Cat dyshohet se është dhunuar fizikisht dhe verbalisht nga vëllai i saj i madh. Të paktën kështu është ajo që nëna e tyre i ka thënë një gjykatësi. Sipas dokumenteve të reja ligjore, të marra nga TMZ, nëna e Dojas, Deborah Elizabeth Sawyer, paraqiti një kërkesë të përkohshme masë ndalimi ndaj djalit të saj 30-vjeçar, Raman Dalithando Dlamini dhe në denoncimin e saj, ajo hedh disa akuza të rënda.
Ndërkaq, Raman Dalithando Dlamini u pyet dhe u fotografua nga paparacët, pak ditë pasi nga “Page Six” u publikua dosja e urdhrit të përkohshëm të ndalimit të marrë nga nëna e tij. Ai pretendoi se nuk kishte asnjë ide për urdhrin e ndalimit në videon e siguruar nga Shade Room. Dlamini pohoi gjithashtu se nuk kishte asnjë urdhër ndalimi kundër tij. Në depozitimin e urdhrit të ndalimit, Sawyer pretendon se Dlamini, ka sulmuar verbalisht Doja Cat, duke e lënë atë të ndihet e pasigurt dhe e traumatizuar.
Sa i përket Sawyer-it, ajo pretendon se Raman ka abuzuar fizikisht me të disa herë, me ndodhinë më të fundit në fillim të këtij muaji. Ajo pretendon se ai madje e kërcënoi se do ta vriste. Gjykatësi i dha nënës së këngëtares, me urdhër të gjykatës, mbrojtje nga Raman por nuk dha të njëjtën mbrojtje për Doja Cat në vend të kësaj, duke thënë se artistja do të duhej të paraqiste kërkesën e saj për një urdhër ndalimi.
