Ledri Vula është një nga reperët më të njohur të showbiz-it tonë dhe padyshim prej vitesh ndër më të pëlqyerit nga ndjekësit. Teksa sezoni veror dihet se është shumë i ngarkuar me koncerte për këngëtarët edhe për një artist si Ledri, të tilla aktivitete kanë qenë të shumta.
U bënë tashmë pak muaj që kur Ledri ka publikuar projektin e fundit muzikor ‘Uma Love’, i cili është një bashkëpunim me Lumi B dhe NUK. E duket se tashmë shumë shpejt reperi do të vijë me një këngë të re, pasi me një postim në Instastory na ka treguar se ka nisur punën për projektin e ri muzikor.
![](https://www.topalbaniaradio.com/v7/wp-content/uploads/2022/11/Screenshot_20221119-162135_Instagram.jpg)
Por, përpos karrierës si artist edhe jeta personale e tij është shumë e përfolur. Tanimë, partnerja e tij Sara Hoxha është mjaft e njohur dhe një personazh shumë i pëlqyer për publikun në rrjete sociale. Dyshja janë prindër të një vogëlusheje që quhet Poem dhe çifti nuk na i kursen fotot dhe momentet shumë të ëmbla që kalojnë së bashku.
Që prej momentit kur partnerja e tij, Sara është bërë pjesë e spektaklit “Dancing with the Stars” jeta e tyre është e ndarë midis Tiranës dhe Prishtinës. Për shkak të angazhimeve që edhe Ledri ka, çifi dhe vajza e tyre, Poem duhet të qëndrojnë për pak kohë larg njëri tjetrit. Së fundmi Ledri ka postuar një foto duke folur në telefon me vajzën e tij dhe na e shkriu zemrën.