Big Brother Vip Albania është një fenomen social që mbërthen fort jo vetëm vëmendjen por edhe debatin publik. Këtë vit synimet janë akoma më të mëdha ndërsa shtëpia është më mbresëlënëse. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Dinamikat në shtëpinë e “Big Brother VIP” ndryshojnë në çdo moment.
Në momentin që Julia Ilirjani u bë pjesë e “Big Brother VIP 3”, kudo qarkulluan lajmet se aktorja është motra e biznesmenit të njohur, Elton Ilirjani, ku dhe janë shpërndarë shumë foto të tyre. Për këtë vajza e Julias, Renee ka sqaruar lidhjen familjare të tyre dhe se Eltoni nuk është daja i saj biologjik.
Renee: Dua të ju bëj një update. S’kam folur se u fut mami tek Big-u, dhe duhet të ishte surprizë. Nuk e di nëse jeni të informuar, por unë jam shumë e lidhur me Eltonin, që ka edhe shumë pikëpyetje rreth kësaj teme. Eltoni nuk është daja im biologjik, nuk është vëllai i mamasë time, por është kushëriri i dytë më duket, se ne në Shqipëri kur kemi dikë të afërt i thërrasim daja. Por jemi shumë të lidhur me njëri-tjetrin…
