Hulumtimet kanë treguar se gratë që kanë kaluar 10 ose më shumë vite në parukeri apo sallone bukurie, kanë tri herë më shumë gjasa të jenë të rrezikuara nga kanceri i vezorëve. Punonjëset e kontabilitetit gjithashtu përballen me dyfishin e rrezikut për kancer të vezoreve në raport me mesataren. Rreth 7.500 gra në Mbretërinë e Bashkuar zhvillojnë kancer ovarian çdo vit dhe 4.100 vdesin çdo vit.
“Gratë që punojnë në profesionin e parukerisë janë të ekspozuara ndaj qindra kimikateve në përqendrime të larta, duke përfshirë bojërat e flokëve, shampo, balsam dhe produkte stilimi dhe kozmetike”,-është shprehur Dr.Anita Koushik, nga Universiteti i Montrealit në Kanada. Studimi përdori të dhëna nga 491 gra të diagnostikuara me kancer ovarian në Montreal, Kanada, midis 2010 dhe 2016 duke i krahasuar me 897 gra që nuk kishin kancer dhe shikoi punën e tyre, historinë mjekësore dhe shëndetin e përgjithshëm.
Kishte 18 substanca kimike me shqetësimin më të madh, shumë prej të cilave tashmë janë hetuar për kancerin nga Agjencia Ndërkombëtare për Kërkimin e Kancerit. Kimikatet mund të shkaktojnë kancer duke u bashkuar ose duke reaguar me ADN-në për të shkaktuar dëmtime afatgjata që i bëjnë qelizat të shumohen jashtë kontrollit.
Tre të katërtat e grave nuk e dinë se fryrja e barkut është një simptomë kryesore e kancerit të vezoreve. Një sondazh me 1000 gra në Britani për kancerin e vezoreve zbuloi se 79% e grave nuk e dinin që fryrja e barkut është një simptomë e kësaj sëmundje. 68% ishin të pavetëdijshme se dhimbja e barkut është një shenjë dhe 97% nuk ishin të vetëdijshme se edhe fryrja është një simptomë.
