Gjiganti i teknologjisë Google është në një mision për të integruar veçori të reja me AI në pothuajse të gjitha shërbimet e saj. Tani, pas rritjes së çmimit për YouTube Premium, Google dëshiron t’u ofrojë abonentëve Premium një përvojë të re ekskluzive të AI që jo-abonentët nuk do ta kenë.
our conversational AI tool is expanding to all U.S. YouTube Premium members w/ Android devices
use it to dive deeper into the content you ❤️ by asking questions about what you’re watching or for recs for similar videos!!
details here 🎥: https://t.co/HNFj9mlYdV
— TeamYouTube (@TeamYouTube) September 23, 2024
Bëhet e ditur se abonentët Premium mund të angazhohen me video duke përdorur një mjet të ri bisede me AI. Ajo që më parë ishte thjesht një eksperiment tani po shpërndahet për përdoruesit e YouTube Premium në SHBA. Siç raportohet, mjeti i ri është aktualisht i disponueshëm vetëm në anglisht dhe për përdoruesit e moshës 18 vjeç e lart.
Gjithashtu, për të pasur qasje në mjetin me Al do t’ju duhet të keni një pajisje Android. Bëhet e ditur se me këtë mjet mund të merrni përgjigje për pyetjet në lidhje me videon që po shikoni, të gjeni rekomandime për përmbajtje të ngjashme dhe më shumë të gjitha pa dalë nga YouTube. YouTube po përpiqet t’ua bëjë më të lehtë kanaleve që të rrisin audiencën e tyre me funksionin “Hype”.
Menjëherë pas lançimit të një eksperience të re, YouTube njoftoi një tjetër veçori që thuhet të ndihmojë krijuesit e vegjël me dukshmërinë e tyre në algoritëm. Platforma më e madhe e transmetimit, YouTube, ka një numër jashtëzakonisht të lartë krijuesish. Por, nuk është vetëm numri që është befasues, por edhe shumëllojshmëria e përmbajtjes që prodhojnë, nga gatimi dhe lojërat te muzika dhe grimi.
Kjo e bën shumë të vështirë të bëhesh një krijues i mirënjohur i YouTube me miliona abonentë dhe akoma më shumë miliona shikime për video. Fatmirësisht, YouTube po përpiqet të ngrejë disa nga përmbajtjet që krijuesit më të vegjël publikojnë në platformën e tij. Hype është një veçori krejt e re që synon të ndihmojë kanalet në YouTube të rriten duke i lidhur ato me audienca të reja. Hype mund të përdoret nga fansat në videot që janë publikuar për më pak se 7 ditë. Videot e publikuara nga krijuesit që kanë nën 500,000 abonentë mund të reklamohen.
