Ylli i Hollywood-it i cili humbi një çështje shpifjeje kundër një tabloidi në Mbretërinë e Bashkuar që e etiketoi atë si dhunues të gruas mesa duket se po i referohej lëvizjes #MeToo ndërsa fliste të mërkurën me gazetarët në Festivalin Ndërkombëtar të Filmit në San Sebastian është shprehur se:
Situata është shumë komplekse, kjo kulturë e anuluar ose ky nxitim i menjëhershëm për të gjykuar diçka pa u bazuar në thelb por në atë që qarkullon në ajër.
Vitin e kaluar, një gjykatës britanik i gjeti akuzat nga ish-gruaja e tij, aktorja Amber Heard si krejtësisht të sakta. Për këtë aktori ka thënë se:
Lëvizjet e ndryshme që dolën, jam i sigurt me qëllimet më të mira megjithatë, kanë dalë shumë jashtë kontrollit sa mund t’ju siguroj se askush nuk është i sigurt. Asnjë nga ju, përderisa dikush është i gatshëm të thotë një gjë.
Ylli i “Pirates of the Caribbean” paditi botuesin e ‘The Sun’ për pretendimet se ai ishte i dhunshëm ndaj Heard gjatë martesës së tyre të paqëndrueshme dy vjeçare, por detajet e fshehta të jetës së tij private që dolën gjatë gjyqit për shpifjen dëmtuan reputacionin e tij pasi ai edhe humbi çështjen.
Tre herë kandidati për ‘Oscar’ tha se atij iu kërkua të tërhiqej nga roli i tij në ekskluzivitetin e filmit ” Fantastic Beasts” bazuar në librin e autorit të “Harry Potter” J.K. Rowling.
Regjisoret femra dhe të tjerë kishin sulmuar vendimin e organizatorit të festivalit për ta nderuar Depp me Çmimin Donostia, duke thënë se ai njollosi imazhin e eventit dhe u dha mesazhe të gabuara viktimave të dhunës gjinore.
Shoqata e Filmbërësve Femra dhe Media Audiovizuale e Spanjës tha se çmimet nuk duhet të jepen bazuar vetëm në arritjet profesionale ose artistike.Me anë të një postimi në Twitter ato kanë thënë se:
Cili është mesazhi që mbetet kur burrat e denoncuar për dhunë seksiste duartrokiten, fotografohen në tapet të kuq, të rrethuar nga fansa të pakushtëzuar?
