Së fundmi, ‘Searchlight Pictures’ njoftoi se këngëtarja Taylor Swift, do të bëjë debutimin e saj si regjisore në filmin me një skenar origjinal që ajo ka shkruar. Ndërsa detajet rreth komplotit të filmit dhe kastit nuk janë ndarë ende, filmi do të prodhohet nga Searchlight, i cili në vitet e fundit ka bërë filma fitues të “Oscar” si filmi i Guillermo del Toro 2017 “The Shape of Water” dhe “Nomadland”.
Presidentët e Searchlight, David Greenbaum dhe Matthew Greenfield u shprehën se:
Është një gëzim dhe privilegj i vërtetë të bashkëpunosh me Taylor Swift ndërsa ajo nis këtë udhëtim emocionues dhe rikrijues.
Swift kohët e fundit ka marrë vlerësime dhe çmime për punën e saj si regjisore në videoklipet e saj muzikore dhe për filmin e metrazhit të shkurtër “All Too Well”, një film i shkurtër 13-minutësh i vendosur dhe i frymëzuar nga versioni 10-minutësh i këngës së saj “All Too Well “, i cili shfaqet në albumin e ribotuar ‘Red’.
Filmi i shkurtër, ku interpreton aktori Dylan O’Brien dhe Sadie Sink i Whale, fitoi një çmim për regjinë më të mirë në ‘MTV VMA 2022’. Në vitin 2022, “All Too Well: Short Film” u shfaq në Festivalin e Filmit Tribeca dhe Festivalin Ndërkombëtar të Filmit në Toronto dhe filmi ka të drejtë të nominohet për filmin më të mirë të shkurtër live në ceremoninë e ardhshme të 95-të të Oscars në mars 2023.
Rikujtojmë, se Swift është shpallur së fundmi artistja më e dëgjuar në Mbretërinë e Bashkuar në platformën Spotify për vitin 2022, ndërsa Harry Styles kishte këngën më të dëgjuar. Edhe pse ka pak muaj që ka publikuar albumin “Midnights”, Taylor ka arritur mbi 805 milionë dëgjime në Mbretërinë e Bashkuar. Publikimi i këtij albumi u shoqërua me një fushatë globale me tabelat e Spotify që shfaqeshin në mbarë botën. Muajin e kaluar, Taylor u bë artistja e parë në historinë e muzikës që fitoi të gjithë ‘Top 10’ të listës së këngëve të “Billboard Hot 100”.
