Si një përrallë, Jennifer Lopez dhe Ben Affleck u ribashkuan në vitin 2021 pasi ndërprenë lidhjen dhe fejesën e tyre në vitin 2004 pas një lidhjeje pasionante prej rreth dy vitesh dhe vetëm verën e kaluar, ata zhvilluan edhe ceremoninë martesore. Por si ishte e mundur kjo, për t’u ribashkuar pas kaq shumë vitesh? J.Lo i ka zbuluar të gjitha në një intervistë për revistën Vogue.
Si u rikthyen J.Lo dhe Ben Affleck?
Edhe pse pas ndarjes në vitin 2004, të dy vazhduan jetën e tyre, duke qenë të suksesshëm në fushën e tyre të punës, por edhe në jetën e tyre personale, pasi të dy krijuan familjet e tyre. J.Lo, nga ana e saj, u martua me Marc Anthony, me të cilin ka edhe dy binjakë. Ndërsa aktori kishte tre fëmijë, nga lidhja e tij me Jennifer Garner. Megjithatë, pas disa vitesh të dy çiftet u ndanë. Pas martesave të dështuara, të famshmit i dhanë dashurisë një tjetër mundësi: J.Lo me Alex Rodriguez dhe Ben me Ana de Armas.
Më vonë, këngëtarja i dha fund lidhjes me Alex Rodriguez dhe Affleck bëri të njëjtën gjë me aktoren kubane. Kur të dy ishin sërish beqarë, shtypi e pyeti Affleck-un për J.Lo në një intervistë, së cilës ai iu përgjigj me delikatesë. Megjithatë, aktori vendosi të kontaktojë me ish-partneren e tij përmes emailit. Biseda mes të dyve vazhdoi dhe ata ranë dakord të shiheshin dhe të takoheshin. Lopez u shpreh se:
Ne nuk u takuam në publik. Pavarësisht gjithçkaje, kurrë nuk jam larguar nga fakti se kam ndjerë gjithmonë një dashuri të vërtetë atje. Kur u rilidhëm, ato ndjenja për mua ishin ende shumë reale.
Të dy u takuan sërish bashkë në verën e vitit 2021 dhe një vit më vonë ata thanë “Po” njëri-tjetrit në një dasmë surprizë në Las Vegas. Në gusht ata kryen një tjetër ceremoni martesore, të shoqëruar nga të dashurit e tyre, e cila u mbajt në pallatin që aktori ka në Riceboro të Gjeorgjisë.
