Së fundmi aktori Ben Affleck, ish-bashkëshorti i Jennifer Garner, u martua me Jennifer Lopez për herë të dytë në një nga pronat e tij në Gjeorgji. Sipas raportimeve, JLO dhe Affleck ftuan Jennifer Garner në dasmë megjithatë, ajo nuk mori pjesë në ceremoni. Jennifer Garner tha se kishte një problem me orarin dhe prandaj nuk mori pjesë. Megjithatë, ky mund të jetë një shpjegim i arsyeshëm për të shmangur shikimin e ish-burrit të saj duke u martuar.
View this post on Instagram
Ndërsa Ben Affleck dhe Jennifer Lopez lexuan betimet e tyre për herë të dytë në Gjeorgji, Jennifer Garner ishte duke bërë pazar. Jo, ajo nuk hyri në një qendër estetike apo në një dyqan veshjesh. Sipas TMZ, Jennifer Garner vizitoi Sam’s Club në South Charleston, West Virginia, para orës 16:00 të dielën. TMZ vuri re Jen Garner me të atin dhe të dashurin e saj, biznesmenin John Miller. Gjatë kohës që Ben dhe Jennifer Lopez po zhvillonin ceremoninë e tyre në Savannah, Garner ishte duke blerë ushqime. Jennifer Garner dhe Ben Affleck kanë tre fëmijë, Violet, 16, Seraphina, 13 dhe Samuel, 10.
Të gjithë ata morën pjesë në ceremoninë e babait të tyre. Raporte të shumta zbuluan se Jennifer Garner kishte një “konflikt për caktimin e orarit” dhe nuk mori pjesë në dasmën e dytë. Informacionet e publikuara tregojnë se ceremonia zgjati tre ditë, dhe ishte një “festë private për familjen dhe miqtë”. Dasma shënoi martesën e katërt të Jennifer Lopez. Ndërkohë Ben Affleck u martua për herë të dytë në jetën e tij.
