Jaguar së shpejti do të jetë një prodhues automjetesh që nuk prodhon asnjë makinë. I-Pace dhe E-Pace përfundojnë prodhimin muajin e ardhshëm. F-Type, XE dhe XF janë tashmë “të vdekur”. Fabrika e F-Pace do të ndalojë prodhimin në fillim të vitit 2025, pikërisht në kohën që makinat e reja EV të Jaguar të hyjnë në skenë. Ka vetëm një problem. EV-të nuk po hyjnë në skenë.
Kjo nuk do të ndodhë për gati dy vjet, sipas një raporti. CEO i JLR, Adrian Mardell tha se i pari nga tre EV-të e reja është ende në testim dhe nuk do të dalë në shitje deri në verën e vitit 2026. Kjo bën që vetëm F-Pace të mbajë markën gjallë. Ndryshe, sa i përket linjës së re tërësisht elektrike, nuk është parë ende një koncept.
Kjo do të ndodhë në fillim të dhjetorit, kur Jaguar planifikon të zbulojë një rival me katër dyer të Porsche Taycan me performancë të lartë në SHBA. hpallur gati katër vjet më parë, strategjia globale “Reimagine” e Jaguar Land Rover kishte një pikë jashtëzakonisht të rëndësishme: “Jaguar si një markë luksoze tërësisht elektrike nga viti 2025 për të realizuar potencialin e saj unik”.
Viti 2025 është në prag dhe ndërsa makinat elektrike të reja nuk janë zbuluar ende, fundi është afër për ato me motorë me djegie. Në fakt, Jaguar ka ndaluar shitjen e automjeteve të reja me motorë konvencionalë në tregun e saj vendas. Nuk mund të blini më një Jaguar të ri në Mbretërinë e Bashkuar. Ndërkohë, Jaguar planifikon të zbulojë një koncept para fundit të vitit në SHBA.
