Eftuar në maratonën e 100 këngëve më të bukura të vitit në “Top Albania Radio” këngëtarja e njohur, Orgesa Zaimi uroi të gjithë shqiptarët për një vit me sa më shumë shpresë, dashuri dhe shëndet. E pyetur se çfarë kanë qenë më të mirat e vitit 2020, këngëtarja tha se në këtë kohë pandemie e vetmja gjë e rëndësishme dhe me vlerë është familja dhe se nuk ka në botë gjë më të çmuar se ajo. Orgesa specifikoi se pasi u infektua me COVID-19 e vetmja gjë që mendonte dhe e bëri të reflektojë ishte rëndësia dhe vlera e padiskutueshme e familjes. Githashtu ajo tha se kjo eksperiencë aspak e zakontë e ndryshoi dhe e bëri një person më pozitiv, më të qetë dhe më të dashur. Artistja e ka specifikuar vitin 2020, vit më të keq se ai i ’97!