Një libër për fëmijë do të përshkruajë përpjekjet e Princeshës së ndjerë Diana me një çrregullim të të ngrënit. Edicioni i fundit i serisë së librave ‘Little People, Big Dreams’ do të dalë më 7 shtator dhe do të prezantojë lexuesit e rinj me princeshën më të dashur në botë. Autorja Maria Isabel Sánchez Vegara përmes kësaj sage të njohur librash për fëmijë eksploron jetën e njerëzve me ndikim, nga dizajnerët tek shkencëtarët dhe aktivistët.
Një kopje elektronike e librit iu prezantua ‘Independent’ dhe përfshin një tregim të çrregullimit të të ngrënit të Princeshës Diana. Në një pjesë të librit thuhet:
Edhe nëse jeta e saj dukej sikur ishte një përrallë, ajo shpejt e kuptoi se zemra e princit i përkiste dikujt tjetër… Me kalimin e viteve ky trishtim u zhvillua në një çrregullim të të ngrënit të quajtur bulimia Sa herë që ndihej e vetmuar, ajo gjente lehtësim duke ngrënë ëmbëlsira që mund t’i gjente në kuzhinën mbretërore. Por ndjenja e ëmbël e lehtësimit nuk zgjati shumë. Sapo u largua, ajo u përpoq të nxirrte të gjithë ushqimin që kishte ngrënë. Iu desh kohë që të kërkonte ndihmë, të mësonte ta donte veten dhe të ndalonte së ndëshkuari trupin e saj. Por sapo e bëri, ajo u ndje më mirë se kurrë.
