Duke qenë se vera po mbaron, me ardhjen e muajit shtator edhe kompanitë e mëdha të filmave dhe kinematografisë kanë vendosur që t’i futen punës dhe kanë fillluar të publikojnë datat e lançimeve të filmave që do dalin në muajin shtator dhe në vazhdim. Ato janë filma të cilët vetëm nëpërmjet trailer-eve të tyre janë bërë të njohur për publikun dhe mezi priten që t’ju afrohen datat e publikimeve. Këto janë pesë nga filmat e parë që ju patjetër duhet t’i shihni këtë shtator.
1. No Time to Die
Më në fund! Lançimi i këtij filmi është vonuar jashtëzakonisht shumë për shkak jo vetëm të pamdemisë por edhe nga dëmtimet, aksidentet dhe tërheqja e drejtorit të tij origjinal, Danny Boyle. Filmi bën fjalë për James Bond i cili është tërhequr nga MI6 për t’u vendosur me të dashurën e tij, duke lënë një dyshe të re për të shpëtuar botën në mungesë të tij. Por shoku i tij i CIA -s, Felix Leiter e bind atë të luftojë me Lyutsifer Safin. Filmi i fundit i Daniel Craig si James Bond e ka një datë lançimi. Më 30 Shtator ai do të publikohet në Mbretërinë e Bashkuar, Irlandë dhe Zelandën e Re, ndërsa me 8 Tetor në SHBA dhe Kanada.
2. Shang-Chi and The Legend of the Ten Rings
Dikur ishte një personazh i vogël: një artist ushtarak gjysmë i harruar, stereotipik i cili u shfaq për herë të parë në 1973 për të fituar para nga mania e Bruce Lee. Por tani Shang-Chi është një tjetër person. “Shang-Chi and The Legend of the Ten Rings ” është i pari nga filmat me superheronj të Marvel që kanë një personazh kryesor aziatik dhe të gjithë aktorët kryesorë të tij të përfshirë Awkwafina, Michelle Yeoh, Tony Leung dhe Simu Liu si vetë Shang-Chi-janë aziatikë ose me prejardhje aziatike. Shang-Chi, mjeshtri i armëve, detyrohet të përballet me të kaluarën e tij pasi u përfshi në organizatën e Dhjetë Unazave. Filmi do të lançohet në 3 Shtator në SHBA, Kanada, Irlandë dhe në Mbretërinë e Bashkuar.
3. Cinderella
Hirushja e Disney doli në vitin 2015, por nuk ishte shumë e ndryshme nga ajo e vitit 1950 që erdhi si heroinë e thjeshtë. Tani, megjithatë, ekziston një Hirushe tjetër që në fakt duket se i përket shekullit 21. Shkruar dhe drejtuar nga Kay Cannon, ky është versioni i fundit i cili ka gjithçka që ju mund të dëshironi nga një përrallë klasike, duke përfshirë një mjedis mesjetar, një njerkë të keqe, një mbret të ngathët dhe mbretëreshën, minjtë që shndërrohen në këmbësorë, etj. Ky fil është i përbërë nga një kast multi-kulturor. Më e rëndësishmja, është Hirushja që luhet nga Camila Cabello, e cila do të preferonte të ishte një stiliste veshjesh sesa një princeshë, kështu që ajo nuk ka nevojë për një princ të bukur për ta ndihmuar atë që të jetojë e lumtur më pas. Filmi lançohet në Amazon Prime me 3 Shtator.
4. Annette
Dokumentari i Edgar Wright për grupin e tij të preferuar, Sparks, ndoqi karrierën 50-vjeçare të dyshes pop-art deri në prodhimin e një projekti filmik të ushqyer prej kohësh. Muzikali i Sparks, Annette, u shfaq për herë të parë në Festivalin e Filmit në Kanë në korrik, ku drejtorit të tij, Leos Carax, iu dha çmimi i regjisorit më të mirë. Filmi nuk do të jetë për të gjithë. Është një opera surreale, satirike për një komedian stand-up dhe një këngëtare të operës, vajza e të cilëve ndodh të jetë një kukull prej druri. Por Kristy Puchko thotë se Annette është “e mrekullueshme”… një përplasje emocionuese e kinemasë, koncerteve të drejtpërdrejta, shfaqjeve skenike dhe kulturës së famshme, të tronditur dhe të lënë të lirë. Ky film do të lançohet me 3 Shtator në Mbretërinë e Bashkuar dhe Irlandë.
5. I Am Your Man
Ekziston një histori e gjatë dhe e keqe e filmave në të cilët shkencëtarët meshkuj prodhojnë robotë me pamje femrash për të kënaqur çdo nevojë të tyre. “I’m your man” është një gjë e rrallë: një film për një robot me pamje mashkullore i krijuar për t’i shërbyer një gruaje. Drejtuar dhe bashkë-shkruar nga Maria Schrader, kjo romancë e mprehtë shkencore paraqet Maren Eggert si një antropologe e divorcuar e cila pranon të testojë një android që është programuar të jetë partneri i saj i përsosur. Android-i transferohet në shtëpinë e saj, ku ai gatuan, pastron dhe bën shumë më tepër. Roboti është një katalizator për vetë reflektimin dhe dyshimin në vetvete në këtë komedi dhe dramë, sa provokuese aq edhe qesharake. Në një epokë të izolimit, mediave sociale dhe takimeve online, “I’m Your Man” duket çuditërisht interesant. Ky film pritet të lançohet më 17 Shtator në SHBA.
