Aktorja dhe regjisorja amerikane Olivia Wilde e quajti momentin në skenë ku iu dhanë dokumentet e kujdestarisë në emër të ish-partnerit Jason Sudeikis, si “mizore”. Aktores iu dorëzuan dokumentet në një zarf ndërsa fliste për thrillerin e saj të ri “Don’t Worry Darling” në CinemaCon në Las Vegas në prill. Në pamjet e shpërndara në rrjet, ajo dukej e habitur pasi hapi zarfin. Wilde u shpreh për “Variety” se:
Në çdo vend tjetër pune, do të shihej si një sulm. Ishte vërtet shqetësuese. Nuk duhej të ndodhte. Kishte një shkelje të madhe të sigurisë, gjë që është vërtet e frikshme. Duke marrë parasysh pengesat nëpër të cilat duhej të kalonit për të hyrë në atë dhomë me disa distinktivë, plus teste speciale për Covid që duheshin bërë ditë më parë dhe rripa dore që ishin të nevojshme për të pasur akses në ngjarje kjo ishte diçka që ishte e paramenduar.
Përfaqësuesit e Sudeikis konfirmuan më parë se dokumentet kishin lidhje me kujdestarinë e dy fëmijëve të ish-çiftit, por thanë se ai nuk kishte njohuri paraprake se si letrat do të dorëzoheshin. Olivia Wilde dhe Jason Sudeikis kanë qenë bashkë nga viti 2011 deri në vitin 2020 dhe kanë dy fëmijë së bashku.
Në intervistën e saj me ‘Variety’, Olivia tha:
E urreja që kjo gjë e keqe të hiqte vëmendjen nga puna e kaq shumë njerëzve të ndryshëm dhe studioja që unë isha atje lart duke përfaqësuar. Përpjekja për sabotim ishte vërtet e keqe. Por kisha një punë për të bërë, nuk shpërqendrohem lehtë. Por, ju e dini, për fat të keq, nuk ishte diçka që ishte krejtësisht befasuese për mua. Dua të them, ka një arsye që e lashë atë marrëdhënie.
Rikujtojmë, se Wilde tani është në një lidhje me këngëtarin Harry Styles.
