Gjeneruesi më i fundit dhe më i madh i imazhit të AI i Google quhet Imagen 3 dhe ata premtojnë të sjellin “një shkallë edhe më të madhe të fotorealizmit”. Gjithashtu, Google tha se Imagen 3 do të sjellë gjurmim më të mirë të udhëzimeve dhe më pak veçori shpërqendruese sesa paraardhësit e tij.
Thuhet se mbështet një shumëllojshmëri stilesh, nga arti digjital klasik deri tek ai modern dhe kushdo mund ta përdorë atë për sa kohë që ka Google Gemini, madje edhe ata pa abonim. Ndryshe nga disa gjeneratorë të tjerë të imazheve të AI, Imagen 3 gjeneron vetëm një imazh për secilën nga pyetjet tuaja, ky mund të jetë një avantazh ose një disavantazh. Rezolucioni i imazheve të krijuara është 2048×2048.
Është testuar programi: fotografia e publikuar më poshtë është bërë nga Gemini AI (Imagen 3) dhe i është kërkuar që të bënte një fotografi të AI rreth vetes. Vitet e fundit, bizneset shqiptare po e konsiderojnë mungesën e punonjësve si shqetësim kryesor të aktivitetit të tyre. Për të plotësuar hendekun, shumë janë drejtuar në tregjet aziatike dhe afrikane për tí gjetur, por disa të tjerë po shfrytëzojnë Inteligjencën Artificiale në vend të njerëzve.
Anketa që zhvilloi Barometri i Ballkanit tregon se 3% e bizneseve të anketuara në vendin tonë pohuan se kanë zëvendësuar punonjësit me Inteligjencën Artificiale. Gjithashtu, 3% e bizneseve në Kosovë dhe Malin e Zi i kishin zëvendësuar njerëzit po me Inteligjencën Artificiale.
Të dhëna të brendshme referojnë se vitet e fundit, nën presionin e mungesës së punonjësve, bizneset po nxiten të përdorin teknologjinë në të gjithë sektorët që nga bujqësia, industria e shërbimet. Industria është një nga përfitueset e mëdha të teknologjisë, pasi njësitë e prodhimit, të cilat e kanë ndjerë më së shumti mungesën e fuqisë punëtore, vitet e fundit kanë investuar në teknologji robotike, teksa përdorin edhe Inteligjencën Artificiale për marketing e për të rritur produktivitetin.
