Një makinë koncepti prej druri është e fundit në një seri krijimesh nga një zdrukthëtar i talentuar. Zakonisht, vietnamezi Trong Van Dạo prodhon versione ekzotike të automobilave si Bugatti Veyron ose Ferrari GTO, të cilat në fakt mund të drejtohen. Produkti i tij i fundit, megjithatë, është fryt i një dizajni për të cilin ai i besoi inteligjencës artificiale. Është një mjet që mund të lëvizë me ndihmën e baterive dhe bazamenti përbëhet nga një shasi metalike.
a wood car build by this father for his children
📹ND – Woodworking Art
pic.twitter.com/uQ33pfAVKj— TwitFunnyX (@twitfunnyx) May 31, 2024
Çdo pjesë është e teksturuar dhe e punuar me dorë nga druri i lehtë, duke përfshirë ingranazhet që shtojnë pamjen futuriste. Për karrocën e këtij mjeti është përdorur një mjet i zakonshëm që mund të gjendet në çdo punishte.
Rikujtojmë, se një Citroën 2CV prej druri, doli së fundmi në ankand në Francë. Kjo makinë daton në vitin 1955 dhe u ndërtua tërësisht nga druri i pemëve frutore nga marangozi francez Michel Robilliard. “La Belle Lochoise” është bërë nga druri i arrave, dardhave, mollës dhe qershisë. Robiard, i cili kryesisht ndërtoi modele druri për Ferrarin, filloi të ndërtonte 2CV-në e tij në 2011.
Pronari francez i muzeut Jean-Paul Favand shpenzoi 210,800€ përfshirë tarifat e ankandi për këtë Timber 2CV. E konvertuar në valutën australiane, kjo është pothuajse 340,000 dollarë, afërsisht e njëjta shumë që do të kushtonte për të blerë një Porsche 911 Carrera S të re. Çmimi final raportohet të jetë 40 mijë dollarë, më shumë se rekordi i mëparshëm i çmimit për një Citroen 2CV, megjithëse kuptohet se mbajtësi më i fundit i rekordit ishte një ekzemplar më konvencional.
