Një grimiere e famshme dhe influencuese në TikTok ka ndërruar jetë pasi injoroi atë që mund të jetë një shenjë e kancerit. Anca Molnar, 35 vjeçe, vdiq nga një tumor në tru. Bashkëshorti i saj Claudiu tha se gruaja e tij i ka dhënë atij dhe djalit të tyre Patrik vitet më të mira të jetës. Para se të vdiste, Molnar ndau me ndjekësit në mediat sociale duke thënë se ajo luftoi sëmundjen deri në pikën e fundit të shpresës.
Një mikeshë e ngushtë e Molnar tha se ajo kishte injoruar një sërë dhimbje koke, të cilat kanë qenë një shenjë e kancerit. “Ajo ka përjetuar dhimbje koke torturuese vazhdimisht. Fillimisht, ajo nuk mendoi shumë për to, sepse kështu jemi, por e gjeti veten duke luftuar me një sëmundje të pashërueshme”-tha Alina Radi.
Molnar, nga qyteti i Timisoara në perëndim të Rumanisë, shkoi për vizitë pak më shumë se një vit më parë kur dhimbja u bë e rëndë. Ajo u diagnostikua me sëmundjen, por mjekët në Rumani thanë se kanceri kishte përparuar në një pikë ku ata mund të bënin pak. Sipas Këshillit të Kancerit të Australisë, dhimbja e kokës mund të jetë një shenjë e hershme e kancerit të trurit.
