Koalicioni i majtë i Polonisë (Lewica) ka propozuar që çdo qen i braktisur të ketë një numër identifikimi. Kjo politikë, e ngjashme me atë të ‘PESEL ID’ për njerëzit, u shpall si një nga pikat kryesore të së majtës për zgjedhjet e ardhshme. Pika kyçe të tjera përfshijnë të drejta të mëtejëshme për mbrojtjen e grave, krijimin e një fondi për qera të përballueshme dhe një grup me reforma të ndryshme për të drejtat e punëtorëve.
Robert Biedroń, lideri i së majtës, tha:
Do të prezantojmë një dokument identifikimi për çdo qen, që të mos ketë më qen të braktisur. Këto zgjedhje i takojnë edhe mikut më të mirë të njeriut.
Kjo ide nuk është plotësisht e re, pasi në 2022, qeveria e mëparshme kishte dëshirë për të pajisur çdo qen me dokument identifikimi përmes mikroçipeve.
Propozycje Lewicy: 100 tysięcy mieszkań, prawa kobiet i ochrona pracowników
W niedzielę odbyła się konwencja Lewicy związana z wyborami do PE.
Wśród postulatów tej formacji znalazło się między innymi utworzenie Europejskiego Funduszu Mieszkaniowego, Karty Praw Kobiet oraz… pic.twitter.com/yP7ielTsYB— Lewica News 🗞️📻📺 (@Lewica_News) May 19, 2024
E majta propozon një fond prej 100 miliardë euro për ndërtimin e banesave me qera, me 10 milionë euro të ndarë për 100,000 apartamente në Poloni. Ata persërisin objektiva të mbartura nga fushata të shkuara, si një standard i ri me 35 orë pune në javë dhe të drejta të mëtejshme për pjesëtarë të komunitetit LGBTQ.
