Meghan Markle së fundmi ka ndarë një letër emocionuese të shkruar për një mik që ndërroi jetë papritur. Në letër, Dukesha e Sussex-it i bëri homazhe trashëgimisë së Oli Juste, një aktivist kafshësh që e prezantoi atë me një nismë bamirësie për kafshët. Meghan tha se më 15 janar miku i saj i dashur Oli ndërroi jetë tragjikisht dhe shumë papritur. Sipas “Independent”, Meghan shkruan në letër se:
Mua dhe shumë të tjerë, më ka lënë zemërthyer dhe reflektues, duke ditur se trashëgimia që ai u lë miqve tanë me gëzof është shumë i thjeshtë, thjesht duajni ata. Sidomos ata të lënë pas ose të harruar. Ne ndamë, ndër shumë gjëra, një angazhim për mirëqenien e kafshëve dhe një dashuri të thellë për qentë e shpëtimit.
Shefi ekzekutiv i qendrës së bamirësisë së kafshëve “Mayhew”, Howard Bridges, tha se Dukesha bujarisht ka bërë një një donacion në kujtim të mikut të saj shumë të dashur, Oli Juste. Ndërkaq, Meghan në letrën e saj vijon duke shkruajtur se:
Unë u njoha me “Mayhew” nga miku im i dashur, aktivisti i kafshëve, Oli Juste. Ne ndamë, ndër shumë gjëra, një angazhim për mirëqenien e kafshëve dhe një dashuri të thellë për qentë e shpëtimit. Në fakt, ishin Oli dhe e fejuara e tij Rob, ata që ndihmuan të kujdeseshin për qenin tim shpëtimtar, Guy, kur sapo isha transferuar në MB dhe ai po shërohej nga një aksident dëshpërues. Ata e donin atë sikur të ishte i tyre. Ishte gati katër vjet më parë, ndërsa po eksploroja organizata të mundshme për të marrë pjesë vullnetarisht, kur Oli më solli në ‘Mayhew’. Ai e dinte se përtej programeve të tyre të adoptimit dhe shpëtimit, punës së tyre ndërkombëtare për t’i mbajtur kafshët të sigurta dhe punës së tyre lokale për të gjetur shtëpi për kafshët shtëpiake të braktisura, unë do të tërhiqesha nga dashuria e tyre e thellë për komunitetin, e cila i kapërceu vetë kafshët dhe shtrihej te njerëzit rreth tyre.
Ai kishte të drejtë. U dashurova me ‘Mayhew’ dhe shpejt u bëra mbrojtësi i tyre mbretëror. Ndërsa patronazhi im tre-vjeçar ndaj ‘Mayhew’ përfundoi në fillim të këtij viti, unë reflektova për punën që ata kanë arritur në kohët më të vështira, gjatë një pandemie globale me burime minimale, duke mbrojtur stafin nga stacionet e tyre në Afganistan ku mbeten të palëkundur në punën e tyre jetike të përditshme për mirëqenien e kafshëve dhe njerëzve në të gjithë Londrën dhe në mbarë globin. Çdo ditë kishte një kthesë tjetër, çdo javë një përditësim tjetër, për të cilin unë dhe Oli do të lidheshim: Çfarë mund të bëjmë? Si mund të bëjmë më shumë? Shiko punën e mahnitshme që ata vazhdojnë të bëjnë. Mbështetja emocionale e një kafshe shpëtimi është e pashembullt siç do ta kuptoni shpejt: nuk jeni ju që i shpëtoni ata, jeni ata që ju shpëtojnë.
Dukesha e Sussex-it ka zbuluar së fundmi podcast-in e saj të parë në Spotify, që është një podcast për stereotipet femërore, ku ajo dëshiron të investigojë se cilat janë ekzaktësisht arsyet që i mbajnë vajzat pas.
