Një nga vendet më të vizituara nga turistët në Los Anxhelos është Hollywood Walk of Fame, ku mijëra njerëz admirojnë yjet e personaliteteve të ndryshme nga bota e artit, filmit dhe sportit. Pas më shumë se 26 vitesh pasi u vra në Las Vegas, Tupac Shakur tani ka një yll në Hollywood Walk of Fame. Të mërkurën, miqtë, familjarët dhe fansat e reperit janë mbledhur për ceremoninë e zhvilluar një javë para ditëlindjes së tij. Motra e Shakur, Sekyiwa “Set” Shakur, pranoi yllin në emër të tij dhe tha se ndihej e nderuar që ishte atje duke përfaqësuar familjen e tyre.
Ylli i reperit bashkohet me qindra që tashmë ekzistojnë në vendin tërheqës që shtrihet nga Gower Street në La Brea Avenue dhe nga veriu në jug në rrugën Vin midis rrugës Yucca dhe Sunset Bulevardit. Turistët mund të ecin mbi yjet e personazheve të njohur si Michael Jackson, Scarlett Johansson, Alfred Hitchcock dhe shumë të tjerë.
Megjithatë, ajo që është interesante të theksohet është se si të gjithë yjet janë të vendosur në tokë përveç njërit. Një nga boksierët më të mëdhenj të të gjitha kohërave, Muhamed Ali, mori yllin e tij në vitin 2002 dhe dha leje që emri i tij të përdorej, por me një kërkesë. Për shkak të fesë së tij ai ndryshoi emrin e tij origjinal nga Cassius Marcellus Clay në Muhamed Ali në nderim të profetit Muhamed dhe ai kërkoi që ylli i tij të vendosej vertikalisht, në mënyrë që askush të mos shkelte mbi të.
Për shkak të fesë së tij, nëse dikush do të shkelte yllin me emrin e tij do të ishte një fyerje, kështu që ai bëri një kërkesë që iu pranua. Kështu, i vetmi yll në Hollywood Walk of Fame që është vertikal dhe jo në tokë është ylli i Aliut në Teatrin Dolby në Los Angeles dhe askush nuk mund ta shkelë atë. Muhamed Ali, i konsideruar si një nga boksierët më të mëdhenj në histori, ishte kampion i peshave të rënda dhe e përfundoi karrierën e tij me një rekord profesionist. Pas një beteje të gjatë me sëmundjen e Parkinsonit, Ali vdiq më 3 qershor 2016.
