Big Brother Vip Albania është një fenomen social që mbërthen fort jo vetëm vëmendjen por edhe debatin publik. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Dinamikat në shtëpinë e “Big Brother VIP” ndryshojnë në çdo moment.
Ajo që ndodh në shtëpinë e “Big Brother VIP”, padyshim që është më e ndjekura e më e komentuara në rrjetet sociale, si edhe në jetën e përditshme. Në lidhje me audiencën shumë të madhe të këtij spektakli ka mendime të ndryshme. Suksesi ka kaluar kufijtë e një spektakli në ekranin e televizorit e tani jemi përballë një fenomeni social që mund të quhet edhe si “Big Brother Mania”. Ndërkohë, i ftuar sonte në “Big Brother Radio” ishte vëllai i Ilnisës, Kevin Agolli i cili u shpreh për takimin e tij me Ilnisën në “BBV3”, në njërën prej sfidave të Vëllait të Madh.
Më kishte marrë malli. Besoj që prezenca ime i ka dhënë forcë. Duhet të isha aty për një prezencë, t’i jepja një ndjesi shumë të fortë Ilnisës. Unë duhet të kisha pedaluar edhe më shumë që t’ia jepja shkoqur Ilnisës, që jepi edhe më shumë forcë. Ky do ishte mesazhi im i vetëm për të. Mendoj se e ka kuptuar mesazhin.
Kush del sot sipas Kevin?!
Kam frikën e Gracianos.
