Rënia në peshë e George Clooney ka ngritur shqetësime te miqtë e tij, të cilët besojnë se ai mund të jetë duke adoptuar në një lloj forme zakonet kufizuese të të ngrënit të gruas së tij. Ylli 62-vjeçar dhe gruaja e tij avokate, Amal, morën pjesë në çmimet The Prince’s Trust Awards në Londër më 16 maj, ku fansat komentuan pamjen e tij të dobët.
George Clooney and Amal Clooney attend The Prince’s Trust and TKMaxx & Homesense Awards 2023 in London pic.twitter.com/3kuWPmtSEJ
— GQ Magazine (@GQMagazine) May 17, 2023
Një burim i brendshëm i shqetësuar tha se:
Miqtë e tij shqetësohen se ai nuk po kujdeset siç duhet për veten. Ai duhet të ndiejë shumë presion për të mbajtur peshën e tij dhe për të vazhduar me Amalin, pasi ata bëjnë shumë paraqitje glam së bashku. Konsensusi është se ai duhet të qëndrojë në formë.
Kjo nuk është hera e parë që George përjeton humbje të konsiderueshme në peshë. Në vitin 2020, ai pati probleme me pankreasin, të cilin ia atribuoi regjimit të tij të dietës ekstreme teksa po përgatitej për dramën fantastiko-shkencore post-apokaliptike, “The Midnight Sky”. Duke reflektuar për atë periudhë, George pranoi:
Mendoj se po përpiqesha shumë për të humbur peshën shpejt dhe ndoshta nuk po kujdesesha për veten.
Sipas një burimi, si George ashtu edhe Amal janë të fiksuar për të arritur dhe mbajtur një fizik jashtëzakonisht fit. Burimi pohoi se Amal është e njohur për zakonet e saj minimale të të ngrënit, duke konsumuar ushqime si vezë të ziera për mëngjes, supë për drekë dhe sallatë me qiqra për darkë. Ylli i Hollivudit dhe gruaja e tij vazhdojnë të tërheqin vëmendjen me paraqitjet e tyre magjepsëse, por pyetja mbetet: me çfarë kostoje për shëndetin e tyre fizik?
