Vdekja e papritur e dhëndrit të Princit dhe Princeshës Michael të Kentit, Thomas Kingston, ka tronditur anëtarët e familjes mbretërore britanike. Bashkëshorti 45-vjeçar i Lady Gabriella Windsor u gjet i vdekur në shtëpinë e tyre në Gloucestershire. Një hetim në vendngjarje nuk zbuloi rrethana të dyshimta dhe asnjë palë tjetër të përfshirë.
Lady Gabriella, e cila është e 56-ta në radhën e fronit dhe Thomas Kingston, një ish-negociator pengjesh, ishin të martuar prej katër vjetësh. Një mik i ngushtë, i cili mori pjesë në dasmën e tyre në kapelën e saint George në Windsor në vitin 2019, tha për The Sun:
Është absolutisht tronditëse. Askush nuk e priste. Nuk mund ta kuptoj se çfarë ndodhi.
![](https://phantom-marca.unidadeditorial.es/b293a9abe68d385d1f6dca1bf2c25393/crop/108x0/1981x1250/resize/828/f/jpg/assets/multimedia/imagenes/2024/02/28/17091561455312.jpg)
Çifti u fotografua për herë të fundit në ditën e të dashuruarve, në një event ku mori pjesë edhe mbretëresha Camilla. Në një deklaratë zyrtare, një zëdhënës i Mbretit tha se Monarku dhe Mbretëresha janë informuar për vdekjen e Thomas dhe janë me Princin dhe Princeshën Michael të Kentit.
Të gjithë ata që e njihnin janë në zi për humbjen e një anëtari shumë të dashur të familjes.