Gjiganti kinez i telekomunikacionit Huawei do të nisë zyrtarisht sistemin e tij të ri operativ HarmonyOS për smartphone më 2 qershor. Lajmin e bëri të ditur vetë kompania.
HarmonyOS është një sistem operativ me burim të hapur, i zhvilluar për pajisje dhe skenarë të ndryshëm, i lëshuar për herë të parë në gusht 2019.
Huawei pret që numri i pajisjeve të pajisura me HarmonyOS të arrijë në 300 milionë deri në fund të vitit 2021 dhe që mbi 200 milionë prej tyre të jenë të markës Huawei.
Analistët e shohin HarmonyOS si një alternativë ndaj Android të Google dhe iOS të Apple.