Shkencëtarët kinezë kanë shëruar me sukses diabetin tek një pacient duke përdorur një terapi novatore të qelizave. Ky trajtim pionier u zhvillua nga një ekip nga Spitali i Shangait Changzheng, Qendra për Përsosmëri në Shkencën e Qelizës Molekulare nën Akademinë Kineze të Shkencave.
Sipas një raporti, pacienti iu nënshtrua transplantimit të qelizave në korrik 2021. Brenda 11 javësh, ai nuk kishte më nevojë për insulinë. Gjatë vitit të ardhshëm, ai gradualisht reduktoi dhe përfundimisht ndaloi marrjen e ilaçeve nga goja për kontrollin e sheqerit në gjak. Ky zbulim shënon një përparim të rëndësishëm në terapinë qelizore për diabetin.
Burri vuante nga diabeti i tipit 2 për 25 vjet dhe kishte humbur pothuajse të gjithë funksionin e këtyre qelizave. Ai u konsiderua me rrezik të lartë të komplikimeve vdekjeprurëse, duke kërkuar injeksione të shumta insuline çdo ditë. Trajtimi përdori qelizat staminale, të cilat mund të shndërrohen në shumë lloje të ndryshme qelizash që trupi ka nevojë për të funksionuar. Në kushtet e duhura, qelizat staminale mund të shndërrohen në inde të trurit, muskujve, veshkave apo edhe pankreasit.
Tek diabetikët, pankreasi nuk prodhon mjaftueshëm insulinë për të rregulluar sheqerin në gjak. Shumë ose shumë pak sheqer në gjak mund të shkaktojë dëmtim nervor, dëmtim të veshkave, sëmundje të zemrës dhe më shumë. Duke implantuar qelizat e reja, të rritura në laborator, të cilat mund të prodhojnë insulinë, pacienti mund të fillojë të prodhojë përsëri insulinën e tij. Pavarësisht nga të gjitha pengesat që mbeten ende për të kapërcyer, ky mund të jetë një hap i madh për personat që vuajnë nga diabeti.
Ata që punojnë natën janë më të prirur ndaj zhvillimit të diabetit, obezitetit dhe sëmundjeve të tjera metabolike. Studimet e kryera në Shtetet e Bashkuara zbuluan se mjaftojnë tri ditë turne natës për të ngatërruar ritmet e proteinave që rregullojnë nivelet e glukozës, metabolizmit të energjisë dhe inflamacionit. “Kur ritmet e brendshme janë të çrregulluara, ka stres afatgjatë në sistemin që ne besojmë se ka pasoja afatgjata shëndetësore”-shpjegon Hans Van Dongen, një ekspert studiues në kronobiologjinë dhe privimin e gjumit në Universitetin Shtetëror të Uashingtonit.
