Një avokate 60-vjeçare ka bërë histori duke u shpallur “Miss Universe Buenos Aires”. Alejandra Rodríguez, avokate dhe gazetare, sfidoi stereotipet dhe i befasoi të gjithë kur u shpall fituese e konkursit “Miss Buenos Aires”. Ajo është gruaja e parë 60-vjeçare në histori që fiton këtë titull, duke shënuar një ndryshim nga normat e konkurseve të Miss-it, që zakonisht vlerësojnë rininë. Ajo tha për mediat se:
Jam shumë e emocionuar që përfaqësoj këtë paradigmë të re në konkurse bukurie sepse po inaugurojmë një fazë të re ku gratë nuk janë vetëm bukuri fizike por një mori vlerash të tjera. Unë jam e para e kësaj brezi që fillon me këtë. Ato që mendova se gjyqtarët panë te unë ishin besimi dhe pasioni im për të përfaqësuar gratë e gjeneratës sime. Jam e vendosur të luftoj për kurorën e ‘Miss Universe 2024′.
Që nga koha kur fitoi kurorën e lakmuar të “Miss Buenos Aires”, thuhet se Rodríguez është favorite për kurorën e “Miss Argjentinës”, e cila do t’i lejonte të konkurronte në konkursin ndërkombëtar. Në shtator 2023, Organizata e “Miss Universe” njoftoi se duke filluar nga viti 2024, nuk do të ketë më limite moshë për pjesëmarrëset në konkurs. Duke filluar nga viti 2024, çdo grua mbi moshën 18 vjeç do të mund të marrë pjesë.
Rodríguez nuk është e vetmja që sfidon standardet e bukurisë në botën e konkurseve, me 47-vjeçaren Haidy Cruz që konkuron për të përfaqësuar Republikën Dominikane në konkursin “Miss Universe 2024”. Edhe pse Cruz u përball me skepticizëm, ajo ka vazhduar të përparojë, e vendosur të tregojë se mosha e saj mund të jetë një avantazh dhe jo një dobësi. Ndërkaq, konkursi i “Miss Universe” do të mbahet në Meksikë më 24 shtator, me vende nga e gjithë bota që konkurrojnë për titullin. P
