Pas një seri ngjarjesh intensive mes Ledjanës, Antonelës dhe Mevlanit, kjo e dyta vendosi të marrë një pauzë të shkurtër nga programi dhe në një lidhje në “Skype” zbuloi vendimin që ka marrë. Prej 3 ditësh, Antonela nuk ka qenë e pranishme në “Për’puthen” duke thënë se:
Ndihem pak më mirë. Në fillim nuk isha shumë mirë, siç jam unë zakonisht e lumtur dhe e pashë që po dilja shumë nga vetja dhe vendosa të marr një pauzë të shkurtër dhe do rikthehem përsëri.
Ndërsa kur u pyet në lidhje me Mevlanin dhe Ledjanën ajo bëri sikur nuk i njeh duke lënë të nënkuptojë se është larguar përfundimisht nga ky trekëndësh toksik ndjenjash dhe intrigash. Konkurrentja nga Shkodra falenderoi publikisht 4 nga djemtë që i kanë qëndruar afër gjatë kësaj periudhe të vështirë.
Bëhet fjalë për Blerimin, Rinianin, Alesandron dhe Arsimin për të cilët zbuloi se do të jenë djemtë që do të fokusohet kur të rikthehet në program. Sa i përket Mevlanit, atij ja ka vënë vizën në plotë kuptimin e fjalës.
