“Social Top 5” është një rubrikë e emisionit “Live From Tirana” që sjell vëmendjen tek personazhet e famshëm, qofshin ata shqiptarë apo të huaj. Teksa të gjithë jemi gjithë sy e veshë se çfarë postojnë yjet në rrjete sociale, kjo ndikon dhe tek numri i tyre i ndjekësve në Instagram.
Teksa ende “Big Brother VIP 3” vijon të jetë në qendër të vëmendjes, le të hedhim një sy se çfarë ka ndodhur me rrjetet sociale të ish-banorëve të shtëpisë më të famshme në Shqipëri. Fituesja e këtij edicioni, Egla Ceno, e cila rezultoi me 1 mijë ndjekës më pak javën e kaluar, këtë herë nuk ka ndryshuar dhe numëron sërish 102K. Sa i përket kundërshtarit të saj në podium, Julian Deda, aktori nuk ka ndryshuar numrin e ndjekësve dhe numëron sërish 470K.
Sa i përket finalistes Heidi Baci, ajo ka 2 mijë ndjekës më shumë të shtuar në llogarinë e saj të Instagramit. Nga 240K që kishte javën e kaluar, tashmë Heidi numëron 242K ndjekës. Meriton Mjekiqi, finalisti i pestë i ‘reality show-t’, nuk ka ndryshuar numrin e ndjekësve dhe numëron sërish 365K. Françeska Murati, gjysmëfinalistja që nuk arriti të prekte dot finalen e madhe, po ashtu nuk ka ndryshuar në numrin e ndjekësve dhe ka sërish 138K. Nëse hedhim një sy ish-banoreve të tjera më të komentuara të këtij edicioni, përmendim Roza Latin dhe Rike Roçin, teksa asnjëra prej tyre nuk ka ndryshuar në numrin e ndjekësve, duke numëruar përkatësisht 851K dhe 184K.
