Çifti mbretëror në vetëm pak ditë priten të bëhen prindër për herë të parë dhe teksa po marrin pak pushim nga detyrat e tyre mbretërore, ata i janë rikthyer Instagram-it.
Në një faqe që quhet Sussexroyal, është postuar lajmërimi i parë ku bëhet i ditur se ky profil menaxhohet nga Duka dhe Dukesha e Sussex.
“Mirë se vini në Instagram tonë zyrtar, shpresojmë të ndajmë me ju punën që na udhëheq, kauzat që mbështesim, njoftimet e rëndësishme dhe mundësinë për të hedhur dritë mbi çështjet kyçe. Ne ju falënderojmë për mbështetjen tuaj, dhe ju mirëpresim për të na ndjekur” ,-shkruhej në postimin e tyre.
Në vetëm 24 orë që nga aktivizimi i këtij profili, Harry dhe Meghan grumbulluan mbi 3 milionë ndjekës.