Nëse peshqirët nuk lahen siç duhet, do të humbasin butësinë e tyre, por një truk i shpejtë dhe i thjeshtë mund të ndihmojë që t’i largohet ashpërsia. Janelle, një eksperte nga Maison Blonde, ka thënë se përdorimi i tepërt i detergjentit të rrobave dhe zbutësit të rrobave është një nga arsyet më të zakonshme që peshqirët nuk janë të butë.
E di që kjo tingëllon e çuditshme, duke marrë parasysh rolin e zbutësve të peshqirëve, por ju premtoj se nuk ia vlen.
Por cili produkt natyral mund të rikthejë peshqirët në gjendje fillestare? Ekziston një mënyrë shumë e thjeshtë për të rifreskuar peshqirët tuaj në mënyrë që të ndihen të butë dhe të rinj. Gjithçka që ju nevojitet janë disa përbërës të thjeshtë në dollapin tuaj të kuzhinës. Janelle shton:
Në vend të zbutësve të rrobave, përdorni uthull për të zbutur peshqirët tuaj duke i mbajtur ata të këndshëm dhe absorbues. Çdo gjashtë javë, lani peshqirët një herë normalisht dhe më pas herën e dytë pa detergjent, por me një filxhan uthull. Uthulla do të heqë qafe çdo grumbullim në peshqirët tuaj duke i bërë ata të ndihen sërish të butë. Për më tepër, uthulla do të freskojë aromën dhe do të largojë çdo erë të mykut. Pra, pa kimikate dhe peshqirë të butë, absorbues. Përdorimi i sodës së bukës po ashtu është një metodë efektive.
Nuk ka asgjë më të rehatshme se të mbështilleni me një peshqir pas një dushi ose banje të nxehtë. Pas tharjes, megjithatë, edhe peshqiri laget. Tani është koha perfekte për mikrobet. Edhe pse po e varni për t’u tharë, kjo nuk e mban peshqirin tuaj të pastër. Kjo është arsyeja pse CNN iu drejtua një eksperti për të mësuar se sa shpesh duhen larë peshqirët që të mos na bëjnë pis, gjë që është saktësisht e kundërta e përdorimit të synuar.
Lani peshqirët tuaj të paktën një herë në javë. Ky është rregulli i madh që rekomandoi Manal Mohammed, lektor i lartë i mikrobiologjisë mjekësore në Universitetin e Westminsterit në Mbretërinë e Bashkuar. Ripërdorimi i peshqirëve disa herë është më i mirë për mjedisin dhe ka të ngjarë të mos jetë shkak për alarm. Por sapo të vëreni ndonjë erë të keqe, është padyshim koha për larje, pasi ky është një tregues i rritjes së kërpudhave dhe baktereve, tha Mohammed.
