Një hotel luksoz me 5 yje, i dizajnuar i gjithi nga stilisti i ndjerë Karl Lagerfeld, ka hapur dyert në Makau, rajonin kinez që njihet edhe si Las Vegasi i Azisë. Lagerfeld punoi në këtë hotel, që quhet The Karl Lagerfeld Macau, për disa vite përpara se të ndërronte jetë në vitin 2019.
Hoteli ka 271 dhoma, një “lounge” spektakolar, Spa dhe pishina brenda dhe jashtë, ndërkohë që restoranti i tij udhëhiqet nga kuzhinieri me yje Michelin, Jose Avillez. Edhe detajet e vogla, si çarçafët e shtretërve, thuhet se kanë “shenjën” e kreativitetit të Karl Lagerfeld.
Karl Lagerfeld ishte një ikonë e industrisë së modës dhe një nga stilistë më të njohur në shekullin e 20-të, duke kaluar shumë nga vitet e tij duke punuar në marka si Fendi dhe Chanel, duke bashkëpunuar dhe krijuar linja të gatshme për veshje dhe couture, si dhe markën e tij më vonë.
Lagerfeld lindi në vitin 1933 në Hamburg, Gjermani në një familje të pasur të udhëhequr nga babai i tij biznesmen gjerman, një nënë suedeze dhe me stilistin i cili fliste katër gjuhë mbresëlënëse, duke përfshirë gjermanisht, anglisht, frëngjisht dhe spanjisht. Lagerfeld hyri në industrinë e modës kur filloi të punonte me Pierre Balmain si asistent i tij, pasi fitoi një konkurs të dizajnit të palltove në 1955, më pas vazhdoi duke punuar për shtëpitë e modës si Tiziano, Chloe dhe Curiel, gjë që shkaktoi edhe ardhjen e tij tek Fendi.
