Aktorja Halle Berry, e cila ka qenë e hapur për përvojën e saj me perimenopauzën, tani po fton gratë të ndryshojnë këndvështrimin e tyre për këtë fazë të jetës. Në një intervistë për “Marie Claire”, Berry thekson se menopauza nuk duhet të shihet vetëm si një periudhë e vështirë, por si një mundësi për rilindje dhe rritje personale.
Berry e kritikon stigmatizimin që shoqëria i jep menopauzës dhe inkurajon gratë të mos ndihen keq për këtë fazë të jetës. Ajo e sheh menopauzën si një periudhë emocionuese dhe një mundësi për të rishikuar jetën dhe mundësitë e reja që ofron.
Nuk është momenti që të dorëzoheni, por të pyesni veten: ‘Tani që jam e lirë, çfarë mund të bëj?”
Për Berry, menopauza është një privilegj që sjell mençuri dhe perspektivë të re. Ajo e ndan krenarinë e saj për të qenë në moshë më të madhe në ngjarje dhe evente, duke theksuar se mosha është vetëm një numër dhe nuk përcakton vlerën e individit.
Nuk shqetësohem më për atë që mendojnë njerëzit, për egon apo pasiguritë e tyre
Në moshën 58-vjeçare, Berry ndan se ndihet më mirë dhe më e fortë se kur ishte në të 20-at, falë një rutine të kujdesshme ushqyerjeje dhe fitnesi. Menopauza dhe mosha, sipas saj, janë mundësi për liri dhe rritje personale, duke sjellë eksperienca dhe zgjuarsi të shtuar, dhe një bonus të madh: një qëndrim të paqartë ndaj mendimeve të të tjerëve.
