Halle Berry dhe Olivier Martinez kanë arritur një marrëveshje për kujdestarinë e fëmijës së tyre. Sipas dokumenteve gjyqësore të siguruara nga Page Six, ish-çifti ranë dakord të merrnin pjesë në seancat për të zgjidhur mosmarrëveshjet dhe konfliktet e tyre në një përpjekje për të pasur kujdestarinë e përbashkët të djalit të tyre.
Halle Berry and Olivier Martinez reach new co-parenting agreement after finalizing divorce https://t.co/AGtQ3eaHtg pic.twitter.com/QbwKTPEptG
— Page Six (@PageSix) May 31, 2024
Të dy prindërit do të marrin pjesë në dy seanca individuale prindërimi për 10-vjeçarin dhe të paktën gjashtë së bashku, sipas të njëjtave dokumente. Në takimet e përbashkëta do të mund të marrë pjesë edhe partneri i Halle Berry-t, Van Hunt. Pasi çifti të ketë përfunduar seancat, atëherë gjyqtari do të vendosë nëse duhen më shumë apo nëse ‘partneriteti’ i tyre ka përfunduar.
Çifti u nda në tetor 2015 pas vetëm dy vitesh martesë. Tetë vjet më vonë, në gusht 2023, ata finalizuan marrëveshjen e tyre të divorcit dhe kujdestarisë. Atyre iu dha kujdestaria e përbashkët e djalit të tyre dhe Berry ra dakord t’i paguante Martinezit 8,000 dollarë në muaj si mbështetje për fëmijën. Aktorja është urdhëruar gjithashtu të paguajë 4.3% të çdo të ardhure që merr, nëse tejkalon 2,000,000 dollarë, si mbështetje shtesë. Veç kësaj, aktorja pranoi të paguante për shkollën private, uniformat e shkollës dhe mjetet shkollore të djalit të saj, por me kusht që pagesat t’i shkonin direkt shkollës dhe jo ish-it.
