Gurët e tëmthit formohen nga kristalizimi i kolesterolit në fshikëzën e tëmthit, dhe mund të kenë përmasa që variojnë nga shumë të vogla deri në ato më të mëdha. Faktorët e rrezikut për formimin e tyre përfshijnë shtatzaninë, mbipeshën, diabetin, mëlçinë, mungesën e aktivitetit fizik dhe ushqimin e pasur me yndyra. Shumë individë mund të kenë gurë të tëmthit pa qenë të vetëdijshëm për këtë, ndërsa dhimbjet që shkaktojnë ato janë shpesh të forta dhe të zgjatura.
Më poshtë paraqiten disa kura natyrale për të lehtësuar këtë problem:
Uthull Molle
Pirja e uthullës së pafiltruar të mollës ndihmon në zvogëlimin e dhimbjeve dhe parandalon formimin e gurëve duke ulur prodhimin e kolesterolit.
Përgatitja: Në një gotë me ujë të ngrohtë, përzieni 2 lugë çaji uthull molle dhe 1 lugë çaji lëng limoni. Pijeni këtë lëng çdo mëngjes dhe kur ndiheni me dhimbje.
Lëngu i mollës
Lëngu i freskët i mollës përmban përbërës që ndihmojnë në shkrirjen e gurëve. Konsumoni një gotë lëng molle katër herë në ditë për të forcuar mëlçinë dhe për të parandaluar formimin e gurëve të rinj.
Lëng limoni dhe vaj ulliri
Ky kombinim ndihmon në shkrirjen e gurëve dhe lehtësimin e dhimbjeve.
Përgatitja: Përzieni 2 lugë gjelle lëng limoni, 2 lugë gjelle vaj ulliri dhe 1 lugë çaji hudhër të grirë. Pijeni çdo mëngjes për 40 ditë.
Përveç këtyre kurave, konsumimi i çajit të nenexhikut, çajit të lulerradhiqes, dhe lëngut të dardhës mund të ndihmojnë gjithashtu në lehtësimin e dhimbjeve dhe shkrirjen e gurëve. Kujdesi për shëndetin e mëlçisë dhe ushqimi i balancuar janë të rëndësishme për parandalimin e kësaj sëmundjeje. Gjithsesi është gjithmonë mirë të konsultoheni me mjekun para përdorimit të kurave nëse po përdorni ilaçe apo mund të keni alergji nga disa përbërës.
