Kohët e fundit, ka pasur thashetheme të ndryshme rreth datës së prezantimit të serisë së gjeneratës së ardhshme Galaxy S25. Tani, një datë e re e mundshme është shfaqur se kur mund të zbulohen telefonat kryesorë të shumëpritur të Samsung. Max Jambor ndau një postim misterioz në X që thotë thjesht “22.1”. Megjithëse mesazhi nuk përmend drejtpërdrejt ndonjë pajisje specifike, duket se tregon datën e prezantimit të serisë Galaxy S25. Nëse kjo është e vërtetë, Samsung mund të zbulojë pajisjet e reja në një ngjarje Unpacked më 22 janar 2025.
22.1
— Max Jambor (@MaxJmb) November 14, 2024
Një nga veçoritë më të mira që Apple përfshiu në iOS 18.1 i lejon përdoruesit të marrin një përmbledhje të njoftimeve të tyre të krijuar nga AI. Një përmbledhje e njoftimit do t’ju njoftojë me gjuhë të qartë se për çfarë bëhet fjalë. Sipas mediave të huaja, përmbledhjet e njoftimeve shfaqen në modelet e iPhone që mbështesin Apple Intelligence si iPhone 15 Pro, iPhone 15 Pro Max dhe të katër modelet e serisë iPhone 16.
Ndërsa tani duket se edhe Samsung ka vendosur të shtojë veçorinë e përmbledhjes së njoftimeve siç shfaqet në një version të fundit të One UI 7 beta që përfundon me “XJW”. Por, ka një pengesë të madhe me të deri më tani. Ajo është e disponueshme vetëm për gjuhën koreane. Për gjuhën angleze mund të jetë e disponueshme kur versioni i qëndrueshëm i One UI 7 të jetë gati për t’u shpërndarë.
Samsung njoftoi gjithashtu zgjerimin e Galaxy AI për të mbështetur katër gjuhë dhe dy dialekte të reja. Sapo të nis ky zgjerim, Galaxy AI do të mbështesë gjithsej 20 gjuhë. Kompania deklaroi se mbështetja e zgjeruar për turqishten, suedishten dhe të tjera dialekte do të dalë nga fundi i tetorit. Bëhet e ditur se hera e fundit që Samsung zgjeroi mbështetjen gjuhësore për paketën e tij të AI ishte në prill, kur u shtuan tre gjuhë; arabisht, indonezisht dhe rusisht.
