Harta dydimensionale e universit është bërë tashmë më e madhe se kurrë ndonjëherë. Falë një përditësimi kolosal, projekti që harton qiellin e gjerë të natës mbi kokat tona tani mban tashmë 1 miliardë galaktika. Qëllimi i këtij projekti është që të ndihmojë astronomët që ta kuptojnë më mirë përbërjen e universit. Në këtë mënyrë ata do të kenë mundësi që të zbulojnë vetitë misterioze të materies së errët dhe të energjisë së errët.
Krijimi i hartave gjithëpërfshirëse në të cilat projektohen edhe galaktikat më të zbehta dhe më të largëta i nxit akoma më shumë këto përpjekje të studiuesve. Kjo është arsyeja se pse publikimi i dhjetë i të dhënave nga Anketa e Imazheve të Trashëgimisë së Instrumentit Spektroskopik të Energjisë së Errët (DESI) është kaq e rëndësishme.
Synimi final i astronomëve është hartimi i saktë i historisë së zgjerimit të universit gjatë 12 miliardë viteve të fundit. Sondazhi DESI është një nga tre që së bashku kanë sjellë në formë harte, 14,000 gradë katrore të qiellit nga hemisfera veriore duke përdorur teleskopë në Observatorin Kombëtar Kitt Peak në Arizona dhe Observatorin Ndër-Amerikan në Cerro Tololo në Kili.
Ndërkaq, mes shumë fatkeqësive ekologjike të kërcënuara, një që pak e kanë njohur është humbja e lakuriqëve të natës. Sipas librit të ekologut suedez Johan Eklöf, rreth katër dekada më parë, shumica e kishave në Suedinë jugperëndimore ishin të mbushura me koloni lakuriqësh nate, gjë që nuk është më kështu. Në hulumtimin e tij, ai pretendon se një nga fajtorët e mëdhenj për këtë është ndotja nga drita.
