Autoritetet në Meksikë kanë rigjetur një vazo të humbur antike nga koha e Majave. Artefaktin e kishte blerë një grua amerikane për më pak se 5 dollarë në një dyqan të sendeve të përdorura. Anne Lee Dozier mori së fundmi një shprehje mirënjohjeje nga ambasada Meksikane në Washington DC për kontributin që dha në rikthimin e vazos që 1,200-1,800 vjeçare në vendin ku e ka origjinën.
“Një dëshmi e vyer e historisë sonë majanë kthehet në shtëpi falë bujarisë së Lee Dozier,”-thuhej ndër të tjera në postimin e ambasadorit meksikan në SHBA, Esteban Moctezuma Barragán në platformën “X”. “Ky xhevahir historik do të riintegrohet në koleksionin e Muzeut Kombëtar të Antropologjisë dhe Historisë së Meksikës për të ruajtur trashëgiminë tonë të pasur kulturore.” Anne e kishte blerë vazon rreth vitit 2019 në dyqanin 2A Thrift në Clinton, Maryland. Nuk dihet sesi përfundoi vazoja antike në dyqanin e sendeve të përdorura në SHBA.
