Gjenden kimikate të lidhura me kancerin në ujin e pijshëm, ekspertët të alarmuar!

Një studim i ri i kryer në SHBA ka dhënë alarmin për ujin e zakonshëm të pijshëm, duke paralajmëruar se ai mund të përmbajë përbërës toksikë që shkaktojnë kancer. Studiuesit kalifornianë analizuan qindra mostra uji, duke përfshirë 603 mostra nga rubineti dhe 100 nga uji në shishe, për të kuptuar më mirë cilësinë e asaj që po pimë.

Ndërsa ky proces trajtimi ka përfitime të pamohueshme për shëndetin publik, si parandalimi i përhapjes së sëmundjeve përmes sistemeve të shpërndarjes së ujit, ekspozimi i zgjatur ndaj THM-ve është shoqëruar me një sërë efektesh anësore negative. Kjo përfshin një rrezik të shtuar të kancerit dhe një potencial të rritur të dëmtimit të veshkave dhe mëlçisë.

Ndërkaq një raport i qeverisë amerikane del në përfundimin se fluori në ujin e pijshëm, në masën mbi dyfishin e kufirit të rekomanduar, ndikon tek një koeficient më i ulët i zgjuarsisë tek fëmijët. Raporti i bazuar në një analizë të hulumtimeve të publikuara më parë, shënon rastin e parë që një agjenci federale ka përcaktuar me besim të moderuar se ekziston një lidhje midis niveleve të larta të ekspozimit ndaj fluorit në ujin e pijshëm dhe IQ më të ulët tek fëmijët.

Në një zbulim befasues, shkencëtarët nga universitetet e Kolumbisë dhe Rutgers kanë hedhur dritë mbi praninë alarmante të nanoplastikës në ujin në shishe. Ky studim novator, i botuar në “Proceedings of the National Academy of Sciences”, zbuloi shtrirjen e këtij shqetësimi të mundshëm shëndetësor, duke ngritur pyetje në lidhje me sigurinë e ujit të pijshëm në shishe.

Hulumtimet e mëparshme janë fokusuar kryesisht në mikroplastikë. Për të kryer hulumtimin e tyre, shkencëtarët analizuan mostra nga tre marka të zakonshme të ujit në shishe, secila e blerë në një dyqan Walmart. Duke përdorur një mikroskop të pajisur me lazer të dyfishtë, ata zbuluan grimca nanoplastike në këto mostra.